Jang 17:10 - Sơ̆p Hlabơar Nơ̆r 'Bok Kei-Dei

¹⁰ Truh 'năr mơ̆t boih, lu bơngai lui athei bre Pôl păng Silas năm tơ Pơlei Bêrê. Lăp truh tơ pơlei ei na bre sư năm akŭm tơ hnam akŭm bơngai Juđê.

Jang 17:10 Iomraidhean Croise

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 17:1

Bre Pôl păng Silas năm drong tơ Pơlei Amphi păng Pơlei Apơlê, na truh tơ Pơlei Têsalônik. Tơ ei đei hnam akŭm đe Juđê.

Jang 17:2

Tơ rim pơlei Pôl năm akŭm tơ hnam akŭm đe Juđê mơ̆n păng Pơlei Têsalônik lei-lăi mơ̆n. Sư akŭm păng đe rim năr pơdơh lăm pêng 'măng giĕng. Sư bơtho đơ̆ng lăm sơ̆p hla bơar 'Bok Kei-Dei păng pơjah hăm lu sư.

Jang 17:4

Lăm lu bơngai Juđê đei lu mơ'nah lui kơ tơdrong Pôl bơtho na lu sư pôm đon păng bre Pôl păng Silas. Lơ bơngai Grĕk mă lui kơ tơdrong 'Bok Kei-Dei đơ̆ng sơ̆ păng lơ bơngai drŏ-kăn mă đei đon kư̆m lui kơ Yêsu mơ̆n.

Jang 17:6

Mă-lei lu sư chă bre Pôl păng Silas ưh kơ 'bôh. Thoi noh na sư rôp anhăk Jason păng lu bơngai lui nai mơ̆n, anhăk lu sư tơ kră pơlei. Sư pơma pơret khan kơ lu đe Jason ei khan: “Lu khŭl bơngai âu pơm kơnê̆ jơ̆p kơ teh đak. Dang ei lu sư năm tơ pơlei bơ̆n âu boih păng Jason âu ăn kơ lu sư oei tơ hnam sư. Đĭ-đăng lu sư ưh kơ kiơ̆ tơdrong juăt pơtao bơ̆n ôh. Lu sư khan sư đei minh 'nu pơtao nai, anăn Sư Yêsu.”

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Jang 9:25

Na lu bơngai kiơ̆ gah Sôl tơ kơmăng tah Sôl lăm bai, chô̆ bai păng tơlei tơjur hloi sư đơ̆ng dur pơlei tơ teh.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.