Jang 16:9 - Sơ̆p Hlabơar Nơ̆r 'Bok Kei-Dei

⁹ Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 16:9 Iomraidhean Croise

Jang 10:3

Minh năr ei dang pêng jơ kơsơ̆, 'bok Kôrnei 'bôh linh jang 'lơ̆ng đơ̆ng 'Bok Kei-Dei năm mơ̆t tơ hnam sư. Linh jang 'lơ̆ng khan kơ sư: “Ơ Kôrnei.”

Jang 10:30

Na 'bok Kôrnei khan kơ Pêtrôs: “Puăn năr kơ âu boih, dang jơ âu mơ̆n, pêng jơ kơsơ̆, inh oei lăm hnam inh âu, krao khan kơ Kră Yang 'Bok Kei-Dei. Na inh 'bôh hloi minh 'nu bơngai hrŭk ao kok hơdah, sư dơ̆ng 'bơ̆t anăp inh.

Jang 16:10

Pôl apo 'bôh thoi noh, sư hơđơ̆r đơ̆ng tep khan hloi kơ nhôn hơmet tơmam yak năm tơ dêh char Masêđôn, yua kơ nhôn băt kơ 'Bok Kei-Dei krao nhôn bơtho Tơdrong 'Nao 'Lơ̆ng Sư tơ char Masêđôn boih.

Jang 16:12

Tơ ei nhôn jur đơ̆ng thŏng-nan năm tơ Pơlei Philip. Pơlei Philip ei tih tơpă hloh kơ lu pơlei nai tơring ei. Tơ Pơlei Philip ei đei lơ bơngai Rôm oei. Nhôn oei tơ pơlei ei kư̆m đunh 'biơ̆ mơ̆n.

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 19:22

Na sư wơh 'bar 'nu buăl sư Timôthê păng Êrat năm tơ dêh char Masêđôn hơdrol kơ sư. Na đơ̆ng ei Pôl oei tơ char Asi đunh 'biơ̆ dơ̆ng.

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 20:1

Đơ̆ng rŏng kơ tơdrong noh tôch boih, Pôl krao akŭm lu bơngai lui păng pơma pơlung lu sư wă kơ jơhngơ̆m lu sư chơt hiôk, kơlih kơ Pôl wă tơklah đơ̆ng lu sư năm tơ dêh char Masêđôn.

Jang 20:3

Pôl oei tơ ei pêng khei. Klaih kơ noh sư wă năm tơ dêh char Siri ră, na sư kơtơ̆ng lu bơngai Juđê wă rôp pơrăm lê̆ sư. Thoi noh na sư brŏk trong đêl sư năm hơdrol ei dơ̆ng, gah trong dêh char Masêđôn.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Jang 9:38

Pơlei đe Japa jê̆ pơlei đe Liđa. Lu bơngai lui kiơ̆ Yêsu kơtơ̆ng Pêtrôs oei tơ pơlei đe Liđa, sư wơh 'bar 'nu bơngai năm krao Pêtrôs đơ̆ng pơlei đe Liđa. Sư khan: “Ơ Pêtrôs, ih năm tơgŭm 'biơ̆ nhi bĕ, yua kơ nhôn đei bơngai lôch boih.”

Rom 15:26

Jên noh đơ̆ng lu bơngai tơmoi mă ưh kơ khŭl Juđê tơ dêh Masêđôn păng dêh Grĕk mơnat ăn kơ lu bơngai lui dơnuh hin tơ Pơlei Jêrusalem wă kơ lu sư chă asong băl jên noh.

II Kor 11:9

Kơplah inh oei păng iĕm noh, inh kư̆m jơ̆l ră mơ̆n mă-lei inh ưh kơ pơgŏ athei iĕm 'me inh ôh. Inh đei lu 'nhŏng oh bơ̆n đơ̆ng dêh Masêđôn chă tơgŭm mơnat kơ inh bơ̆n kon jên bơ̆n tơmam sa. Bĭ mă layơ inh ưh kơ wă athei iĕm tơgŭm inh ôh.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

II Kor 7:5

Âu roi gah tơdrong nhôn truh tơ dêh Masêđôn, nhôn truh tơ noh kư̆m ưh kơ đei hiôk kơ jơhngơ̆m tŏ sĕt, oei tơ noh lĕ pơmat hloh loi; jơhngơ̆m đon nhôn oei sa 'nhŏ kơ sơđơ̆ng 'biơ̆. Đon nhôn kư̆m tơchĕng hli kơ iĕm lui ưh kơ kơjăp.

II Kor 8:1

Ơ 'nhŏng oh, inh wă roi tơbăt kơ iĕm tơdrong đe 'nhŏng oh bơngai lui bơ̆n tơ dêh Masêđôn 'lơ̆ng dêh, 'Bok Kei-Dei pơm kơ lu sư băt 'mêm băt mơnat kơ lu bôl lui.

II Kor 9:2

yua kơ inh băt kơ iĕm 'maih tơgŭm bôl tơpă. 'Noh na inh roi pơang tơdrong lu iĕm mă oei tơ dêh Grĕk kơ lu bơngai lui tơ dêh Masêđôn, tơdrong iĕm 'maih tơgŭm lu đe noh đơ̆ng sơnăm sơ̆ boih. Lu sư 'bôh iĕm chơgăm, lu sư kư̆m 'maih mơ̆n.

Both 30:13

Sư kư̆m ưh kơ tơ pah to đak dơsĭ, na iĕm jet: Bơngai bu gơh tŏk hlôi pah to đak dơsĭ, na chĕp ba ăn kơ lu bơ̆n wă kơ bơ̆n kơtơ̆ng păng pơm kiơ̆?

I Tes 4:10

Mă iĕm kư̆m băt 'mêm mơnat kơ đĭ-đăng bơngai lui jơ̆p kơ dêh Masêđôn mơ̆n. Mă nhôn kư̆m wă kơ iĕm rai đunh rai gơh 'mêm mơnat dih băl tơpă.