Jang 16:38 - Sơ̆p Hlabơar Nơ̆r 'Bok Kei-Dei

³⁸ Lu yŏng linh pơtruh nơ̆r noh tơ kră pơlei. Na lu kră pơlei kơtơ̆ng bre sư bơngai Rôm, lu sư hli yua kơ pơm ưh kơ lăp kơ bre sư brei.

Jang 16:38 Iomraidhean Croise

Mathiơ 14:5

Yua kơ tơdrong noh na pơtao Hêrôt athei đe rôp tah Yôhan lăm hnam phak. Sư wă pơlôch kơplah noh hloi ră mơ̆n mă-lei sư ưh kơ pơ̆n, hli kơ lu kon pơlei pơla Juđê yua kơ lu bơngai Juđê băt kơ Yôhan bơngai pơtruh nơ̆r 'Bok Kei-Dei tơpă.

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Jang 16:35

Pơgê dơning lu kră pơlei wơh lu yŏng linh wă tơlĕch bre Pôl păng Silas.

Jang 22:29

Na lu linh mă chô̆ Pôl hăm wă teh sư ei, lu sư weh ataih đơ̆ng Pôl. 'Bok tih linh băt kơ sư bơngai Rôm boih sư kư̆m hli lei-lăi thoi lu 'noh mơ̆n kơlih kơ sư athei lu linh chô̆ Pôl wă teh sư hei.