Jang 16:30 - Sơ̆p Hlabơar Nơ̆r 'Bok Kei-Dei

³⁰ Na sư tơlĕch bre Pôl păng Silas tơ 'ngoaih păng jet bre sư: “Ơ bre 'bok, pơm liơ inh gơh klaih đơ̆ng tơdrong yoch?”

Jang 16:30 Iomraidhean Croise

Jop 25:4

Liơ mă kon bơngai gơh jô̆ 'lơ̆ng tơpăt 'bơ̆t anăp Kră Yang 'Bok Kei-Dei? Bơngai đơ̆ng drŏ-kăn tơpŭ ngăl, liơ mă gơh 'lơ̆ng rơgoh?

Jop 34:32

Tơdrong kiơ inh ưh kơ 'bôh, apinh Kră Yang bơtho tơ'bôh ăn kơ inh; Tơdah inh đei pơm kơnê̆, inh gô ưh pă pơm dơ̆ng?”

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Êsai 58:9

Kơplah noh ih krao apinh Kră Yang gô tơl tơwih; ih krao Sư dŏng tơgŭm Sư khan: Đei Inh tơ âu! “Dah ih hŭt lê̆ tơdrong pơjuă pơđep păng ưh kơ đei dơhlâu ti pơma kư̆ kă.

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Luka 3:10

Na lu bơngai tơpôl ei jet Yôhan: “Lei ih wă kơ nhôn pơm thoi yơ?”

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 16:24

Kơtơ̆ng thoi noh na kră wei-lăng hnam phak ei tah bre sư tơ lăm tŏk-bŏk hnam phak păng dơlŏng jơ̆ng bre sư mơ̆n.

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 22:10

Na inh jet Yêsu: ‘Ơ Kră Yang, Ih wă kơ inh pơm kiơ dang ei?’ Kră Yang Yêsu khan kơ inh thoi âu: ‘Ih iung bĕ, năm tơ Pơlei Đamas. Tơ ei đe gô khan kơ ih, Inh wă ăn kơ ih jang tơdrong kiơ kơnh.’

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.