Jang 16:23 - Sơ̆p Hlabơar Nơ̆r 'Bok Kei-Dei

²³ Lu linh teh bre sư teh dêh tơpă, klaih kơ noh tah bre sư lăm hnam phak. Lu kră pơlei athei kră wei-lăng hnam phak gak mă kơchăng.

Jang 16:23 Iomraidhean Croise

Mathiơ 26:48

Juđa bơngai mă plơ̆ plĕch Yêsu sư tơbăt ăn kơ lu bơngai mă năm rôp Yêsu thoi âu: “Bơngai mă inh chŭm, bơngai noh boih Yêsu, iĕm rôp hŏ.”

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Jang 12:18

Truh pơgê dơning lu linh hli kơ Pêtrôs lĕch boih. Lu sư krao pơret dih băl wă chă Pêtrôs.

Jang 12:4

Hêrôt tah Pêtrôs lăm hnam phak. Sư ăn kơ mơjĭt-tơdrâu 'nu linh gak Pêtrôs. Đang kơ giĕng boih Hêrôt wă pơlôch Pêtrôs 'bơ̆t anăp đe Juđê ră.

Jang 16:27

Na kră wei-lăng hnam phak ei iung đơ̆ng tep 'bôh 'măng tơpơih đĭ, na sư ngêh lu bơngai phak kơdâu jăk đĭ boih. Na sư toh anglop đao wă 'bet pơlôch kơdih akâu ră.

Jang 16:36

Kră wei-lăng hnam phak ei pơtruh kơ Pôl khan: “Lu kră pơlei khan kơ inh, athei inh pơtruh kơ biĕm nơ̆r lu sư khan ưh pă wă phak biĕm boih. Na dang ei ăn biĕm lĕch đơ̆ng hnam phak boih, năm kơ biĕm mă 'lơ̆ng bĕ.”

Jang 5:23

“Nhôn 'bôh ră 'măng hnam phak khuă kơjăp păng lu bơngai gak oei 'bơ̆t 'măng ei, mă-lei lăp nhôn pơih 'măng 'biao ưh kơ 'bôh bu lăm noh.”

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

II Kor 6:5

Mă đe tôn tơbeh teh tơlơ̆, mă đe phak, mă đe pơ'brơh pơmat, dah năr nhôn jang lap, dah ưh kơ sŭk tep, dah năr nhôn kơtĕch kơ tơmam sa,

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Phil 1:9

Kơlih inh băt kơ ih đei đon 'mêm mơnat kơ bôl buăl boih na inh roi kơ ih thoi noh đĕch. Mă-lei ih băt kơ inh kră boih păng inh oei lăm hnam phak yua kơ inh lui kơ Kră Yang Yêsu.

Jôsuê 4:17

Thoi noh Jôsuê khan kơ lu 'bok soi: Tŏk bĕ đơ̆ng lăm Krong Jôrđăn.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.