Jang 16:17 - Sơ̆p Hlabơar Nơ̆r 'Bok Kei-Dei

¹⁷ Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 16:17 Iomraidhean Croise

Horiso 57:2

Inh krao apinh Kră Yang 'Bok Kei-Dei Tih Hloh. Kră Yang 'Bok Kei-Dei mă pơm pơsĭt tôm tơdrong kơ inh.

Horiso 78:35

Lu sư 'blŏk kơ Kră Yang 'Bok Kei-Dei jơ̆ tơmo tih lu sư. Kră Yang 'Bok Kei-Dei Tih Hloh jơ̆ Kră Yang dŏng pơklaih lu sư.

Da 3:26

Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?

Jôna 1:9

Sư tơl thoi âu: Inh bơngai Hêbrơ păng inh bơngai hli yom kơ Kră Yang 'Bok Kei-Dei kơpal plĕnh, Sư Tơ'ngla pơjing kơ plĕnh teh păng đak dơsĭ. Inh klĕnh đơ̆ng Sư.

Mi 6:6

Inh gô chĕp ba tơmam kiơ̆ 'bơ̆t anăp Kră Yang păng drap kơkuh 'bơ̆t anăp 'Bok Kei-Dei Kră Yang Tih Hloh. Inh gô năm dơ̆ng 'bơ̆t anăp Sư hăm tơmam soi 'buh kon rơmo 'nao minh sơnăm hă?

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Markôs 12:14

Lu sư roi kơ Yêsu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang. Na nhôn apinh Ih khan kơ nhôn, kiơ̆ kơ tơdrong juăt bơ̆n bơngai Juđê, bơ̆n hăm gơh ăn jên thuê̆ kơ Sêsar pơtao đe Rôm dah ưh?”

Markôs 5:7

Yêsu athei yang kơnê̆ lĕch đơ̆ng akâu sư. Na yang kơnê̆ ei pơma 'bơ̆r re khan: “Ơ Yêsu, Kon 'Bok Kei-Dei Kră Yang Tih Hloh, Ih wă pơm kiơ kơ inh? Inh apinh 'Bok Kei-Dei pơm 'long sơlam kơ ba, na Ih 'nĕ kơ pơrăm inh.”

Luka 1:77

Na ih gô bơtho lu bơngai mă 'Bok Kei-Dei wei-lăng wă kơ lu sư gơh klaih đơ̆ng tơdrong yoch, wă oei hiôk păng 'Bok Kei-Dei.

Luka 20:21

Lu bơngai noh khan kơ Yêsu: “Ơ 'Bok Thây, nhôn băt kơ Ih bơtho tơpăt tơpă. Ih ưh kơ hli kơ bu ôh. Ih lăng lu bơngai pơm tih hăm bơngai iĕ kư̆m lei-lăi ngăl păng Ih ling-lang bơtho tơpăt gah tơdrong 'Bok Kei-Dei.

Luka 4:34

“Êi, Yêsu đơ̆ng Pơlei Nasaret, Ih wă pơm kiơ kơ khŭl nhôn? Inh băt mơ̆n Ih năm tơ âu wă pơrăm khŭl nhôn lah. Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 4:41

Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.

Luka 8:28

Lăp sư 'bôh Yêsu, sư ôr na năm 'nap 'bơ̆t anăp Yêsu na Yêsu athei yang kơnê̆ lĕch đơ̆ng akâu sư. Yang kơnê̆ ei pơma pơret khan: “Ơ Yêsu, Kon 'Bok Kei-Dei Kră Yang Tih Hloh, lơliơ Ih wă phak inh dang ei, apinh Ih 'nĕ phak inh hŏ.” Đơ̆ng sơ̆ yang kơnê̆ juăt kơ pơm kơ sư wik. Đe chô̆ ră jơ̆ng ti sư păng glang mam, gak sư ră mă-lei sư hrĕch kơtĕch kơtoch đĭ, na yang kơnê̆ pơpuh sư năm tơ char glă chơngue.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Jang 18:26

Apôlê năm tơ Pơlei Êphêsô bơtho tơ hnam akŭm bơngai Juđê. Sư bơtho kư̆m nuih tơpă mơ̆n. Lăp Prisil păng Akila mơ̆ng sư bơtho bre sư anhăk ba sư truh tơ hnam bre sư. Bre sư bơtho ăn kơ Apôlê tơdrong 'Bok Kei-Dei wă kơ sư hlôh băt tôm 'biơ̆.

Jang 19:13

Tơ ei kư̆m đei lu bơngai Juđê năm jơ̆p-jang tơ lu bơngai ưh kơ lui, mă sư kư̆m ưh kơ lui mơ̆n, wă pơpuh yang kơnê̆ đơ̆ng akâu đe. Sư wă pơm thoi Pôl na lu sư hơdai yua anăn Kră Yang Yêsu wă pơpuh. Đei tơpơh 'nu kon tơdăm Sewơ pơm thoi noh. Sewơ pơm 'bok soi tih bơngai Juđê. Lu sư khan kơ yang kơnê̆ thoi âu: “Pôl bơtho tơdrong Yêsu, na inh yua anăn Yêsu, inh athei e lĕch đơ̆ng bơngai âu.”

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

II Pet 2:2

Mă-lei kư̆m đei lơ bơngai lui, kiơ̆ sư pơm tơdrong yoch kư̆ kă; kơlih kơ thoi noh na lu bơngai mă ưh kơ lui pơjăm tơdrong 'lơ̆ng tơpăt 'Bok Kei-Dei.