Jang 16:16 - Sơ̆p Hlabơar Nơ̆r 'Bok Kei-Dei

¹⁶ Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

Jang 16:16 Iomraidhean Croise

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

Jang 16:13

Truh năr pơdơh nhôn năm tơ jih pơlei ei, cheng đak krong. Tơ ei đei anih đe juăt kơ akŭm krao khan kơ 'Bok Kei-Dei. Na nhôn bơtho lu bơngai drŏ-kăn năm akŭm tơ ei.

Jang 16:18

Adruh ei kiơ̆ nhôn rim năr khŏm khŏm, truh tơ Pôl sư pă kĕ ĕnh boih. Na Pôl hue lăng adruh ei păng khan kơ yang kơnê̆: “Inh yua anăn Yêsu Krist, inh athei e lĕch đơ̆ng bơngai adruh âu.” Na yang kơnê̆ ei lĕch hloi.

Jang 16:19

Thoi noh yŏng sư 'bôh ưh pă yua đơ̆ng sư boih, na jên lu sư kư̆m ưh pă lơ boih, lu sư rôp hloi bre Pôl păng Silas, anhăk ba bre sư tơ kră pơlei tơ tŏk-bŏk kơchơ.

Jang 19:24

Minh 'nu bơngai pơm tơmam hu, anăn sư Đêmêtrơs, oei tơ Pơlei Êphêsô. Sư pơm hnam yang iĕ păng hu lei-lăi kơ hnam yang tih mơ̆n yang Dian. Sư pơm tĕch hnam ei lơ tơpă păng đei lơ jên, hăm lu bơngai jang kơ sư sa jên kư̆m lơ.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Sam 28:3

Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.

I Sam 28:7

Sôl khan kơ lu đĭch đam sư: Chơchă kơ inh minh 'nu bơngai drŏ-kăn pơjâu inh gô năm apinh sư, lu đĭch đam tơl: Tơ Ênđôr đei minh 'nu bơngai drŏ-kăn pơjâu.