Jang 16:14 - Sơ̆p Hlabơar Nơ̆r 'Bok Kei-Dei

¹⁴ Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

Jang 16:14 Iomraidhean Croise

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Hơri Hiôk 5:4

Pơyô inh 'bot ti sư tơ bơlôh chơkăl 'măng, Jơhngơ̆m inh chhưu pơpơ̆ yua kơ sư.

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Yo 12:20

Đei bơngai Grĕk năm tơ Pơlei Jêrusalem hơpong kơ năr giĕng ei păng mơ̆t kơkuh kơ 'Bok Kei-Dei.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Jang 11:21

Kră Yang Yêsu Krist tơgŭm lu sư bơtho đe na đei lơ bơngai lui kiơ̆ kơ Kră Yang Yêsu.

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 16:40

Na bre Pôl păng Silas đơ̆ng hnam phak ei năm tơ hnam yă Liđa hơpong kơ lu bơngai lui. Bre sư bơtho khan kơ lu sư wă kơ sư lui mă kơjăp đei jơhngơ̆m chơt hiôk. Đơ̆ng rŏng kơ 'noh bre sư jăk đơ̆ng pơlei ei.

Jang 18:7

Pôl ưh pă bơtho boih lu bơngai Juđê ei. Na sư năm bơtho tơ hnam minh 'nu bơngai ưh kơ khŭl Juđê, anăn sư Titơ Jơtơ. Bơngai ei lui kơ 'Bok Kei-Dei đơ̆ng sơ̆. Hnam sư jê̆ hnam akŭm bơngai Juđê.

Jang 8:27

Na Philip năm hloi. Kơplah Philip yak rok trong ei sư 'bôh minh 'nu bơngai pơm tih kư̆m oei yak rok trong ei mơ̆n. Bơngai pơm tih ei, sư khŭl bơngai dêh char Êthiôpia. Sư wei-lăng jên yă Kanđake. Yă Kanđake pơm pơtao dêh char Êthiôpia. Na bơngai mă wei jên yă pơtao ei, ki sư năm tơ Pơlei Jêrusalem năm kơkuh kơ 'Bok Kei-Dei.

Rom 9:16

Thoi noh na dang ei bơ̆n băt nhên boih gah tơdrong noh, ưh kơ sĭ đơ̆ng bơ̆n wă kơ Sư 'mêm, dah bơ̆n pơlung Sư wă kơ Sư 'mêm kơ bơ̆n ôh. Sư 'mêm kơ bơ̆n yua kơ Sư wă 'mêm kơdih đĕch.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 3:20

Dang ei Inh oei dơ̆ng tơ 'ngoaih 'măng wă krao iĕm. Bu kơtơ̆ng 'bơ̆r Inh krao na pơih kơ Inh 'măng, bơngai noh Inh wă mơ̆t oei hăm sư, sŏng sa hơdai sư.

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: