Jang 16:12 - Sơ̆p Hlabơar Nơ̆r 'Bok Kei-Dei

¹² Tơ ei nhôn jur đơ̆ng thŏng-nan năm tơ Pơlei Philip. Pơlei Philip ei tih tơpă hloh kơ lu pơlei nai tơring ei. Tơ Pơlei Philip ei đei lơ bơngai Rôm oei. Nhôn oei tơ pơlei ei kư̆m đunh 'biơ̆ mơ̆n.

Jang 16:12 Iomraidhean Croise

Jang 16:10

Pôl apo 'bôh thoi noh, sư hơđơ̆r đơ̆ng tep khan hloi kơ nhôn hơmet tơmam yak năm tơ dêh char Masêđôn, yua kơ nhôn băt kơ 'Bok Kei-Dei krao nhôn bơtho Tơdrong 'Nao 'Lơ̆ng Sư tơ char Masêđôn boih.

Jang 16:21

Bre sư bơtho tơdrong juăt ưh kơ trŏ tơdrong juăt bơ̆n. Bơ̆n bơngai Rôm ưh kơ gơh kiơ̆ tơdrong juăt sư noh ôh.”

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 18:5

Lăp bre Silas păng Timôthê truh tơ Pơlei Kôrintô đơ̆ng dêh char Masêđôn, na Pôl lê̆ tơdrong pơm hnam tua-la-tăng iŏk gah tơdrong bơtho sư dơ̆ng, bơtho lu bơngai Juđê khan Yêsu boih 'Bok Krist mă 'Bok Kei-Dei ăn wă pơgơ̆r bơ̆n.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 20:1

Đơ̆ng rŏng kơ tơdrong noh tôch boih, Pôl krao akŭm lu bơngai lui păng pơma pơlung lu sư wă kơ jơhngơ̆m lu sư chơt hiôk, kơlih kơ Pôl wă tơklah đơ̆ng lu sư năm tơ dêh char Masêđôn.

Jang 20:3

Pôl oei tơ ei pêng khei. Klaih kơ noh sư wă năm tơ dêh char Siri ră, na sư kơtơ̆ng lu bơngai Juđê wă rôp pơrăm lê̆ sư. Thoi noh na sư brŏk trong đêl sư năm hơdrol ei dơ̆ng, gah trong dêh char Masêđôn.

Jang 20:6

Hơtai ei đe pơm giĕng bơnê kơ 'Bok Kei-Dei đe sa 'Bĕng Mi Ưh Kơ Đei 'Buih Pông. Hlôi đe sa giĕng ei đang boih, nhi năm đơ̆ng Pơlei đe Philip tŏk thŏng-nan năm tơ Pơlei Trôs. Pơđăm năr đơ̆ng rŏng kơ 'noh na nhi truh tơ Pơlei Trôs păng tơ'bơ̆p hloi lu bôl nhi năm năr hơdrol ki. Nhôn oei tơ Pơlei Trôs ei minh 'măng giĕng hloi.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Rom 15:26

Jên noh đơ̆ng lu bơngai tơmoi mă ưh kơ khŭl Juđê tơ dêh Masêđôn păng dêh Grĕk mơnat ăn kơ lu bơngai lui dơnuh hin tơ Pơlei Jêrusalem wă kơ lu sư chă asong băl jên noh.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

Philip 1:5

yua kơ iĕm tơgŭm inh đơ̆ng inh lăp pơtơm jang tơ pơlei iĕm sơ̆ khơ̆ dang ei.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.