Jang 15:8 - Sơ̆p Hlabơar Nơ̆r 'Bok Kei-Dei

⁸ 'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Jang 15:8 Iomraidhean Croise

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

Horiso 44:21

Kră Yang 'Bok Kei-Dei ưh kơ băt tơdrong noh hă? Yua kơ Ih băt tơdrong hlơp lăm jơhngơ̆m.

Je 11:20

Ơ Kră Yang Tih Hloh, Tơ'ngla sek tơlang tơpăt, Tơ'ngla mă băt, lăm jơhngơ̆m păng lăm kơ̆l 'ngok tơchĕng, Ăn kơ inh 'bôh tơdrong Ih iung kơting kơ lu sư. Yua kơ inh jao boih tơdrong inh kơ Ih.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 20:12

Ơ Kră Yang Tih Hloh! Ih boih Tơ'ngla pơlong lăng lu bơngai tơpăt, lăng 'bôh đĭ lăm jơhngơ̆m klơm klak lăm kơ̆l 'ngok, Ăn bĕ kơ inh 'bôh tơdrong Ih wă pơm 'mong kơ lu sư, Yua kơ inh jao boih tơdrong inh kơ Ih.

Yo 21:17

Yêsu jet truh pêng 'măng khan: “Ơ Simôn, kon Yôhan, ih hăm 'mêm kơ Inh?” Thoi noh Pêtrôs jing sơ'ngon kơlih kơ Yêsu jet sư pêng 'măng boih, na Pêtrôs khan: “Ơ Kră Yang, Ih băt tôm tơdrong, tơdrong inh 'mêm kơ Ih, Ih băt mơ̆n.” Yêsu khan kơ sư: “Lei ih rong triu Inh.

Yo 5:37

“'Bă Inh mă wơh Inh, Sư pơma bơ̆ng gah Inh. Lu iĕm ưh kơ layơ kơtơ̆ng Sư pơma păng iĕm ưh kơ lah 'bôh akâu Sư thoi yơ.

Jang 1:24

Na lu sư krao khan kơ Kră Yang thoi âu: “Kră Yang, Ih băt đĭ lăm jơhngơ̆m đon kon bơngai. Apinh Ih tơ'bôh kơ nhôn bơngai ayơ Ih rơih boih wă pơm jơ̆ng 'bang Yêsu wă păl Juđa. Juđa tŭk tơdrong jang âu năm tơ anih sư trŏ dang noh boih.”

Jang 10:47

“'Bok Kei-Dei ăn kơ rim 'nu lu bơngai âu Yang Bơhngol 'Lơ̆ng kư̆m lei-lăi thoi Sư ăn kơ bơ̆n Yang Bơhngol 'Lơ̆ng Sư sơ̆. Na dang ei inh jet iĕm hăm đei bu tang găn kuă ăn bơ̆n pơm 'batem kơ lu sư? Ưh kơ đei bu ôh, hăm trŏ?” Na bôl Pêtrôs drơ̆ng: “Trŏ boih, ưh kơ đei bu ôh.”

Jang 14:3

Bre Pôl păng 'Barna'ba oei tơ pơlei ei kư̆m đunh 'biơ̆ mơ̆n. Kră Yang tơgŭm bre sư bơtho kư̆m nuih tơpă. Kră Yang ăn kơ bre sư pơm tơdrong mơsêh mơyang wă kơ đe băt kơ bre sư bơtho tơdrong 'Bok Kei-Dei tơpă, wă pơklaih kon bơngai đơ̆ng tơdrong yoch.

Jang 15:28

Yang Bơhngol 'Lơ̆ng păng nhôn ưh kơ wă athei iĕm pơm lu tơdrong anat, mă-lei iĕm athei kiơ̆ lu tơdrong âu đĕch:

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.