Jang 15:32 - Sơ̆p Hlabơar Nơ̆r 'Bok Kei-Dei

³² Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 15:32 Iomraidhean Croise

Da 11:1

Lăm sơnăm blŭng-a chăl Đarius pơm pơtao bơngai Mêdi, inh iung wă tơgŭm sư jing pran. Nơ̆r khan lê̆ adrol gah pơtao Grĕk pơrăm dêh char Pherơsơ păng pơtao gah yă-nơ̆m hăm pơtao gah gơal tơblah băl.

Mathiơ 23:34

Inh gô wơh lu bơngai pơtruh nơ̆r 'Bok Kei-Dei, lu bơngai hơgei, lu bơngai pơm 'bok bơtho năm bơtho iĕm, na 'blep kơ lu iĕm rôp pơlôch, mơ'nah iĕm pơ̆ng tơ 'long pơglang, mơ'nah iĕm teh tach lu sư păng sơnguĕt lăm hnam akŭm iĕm. Păng iĕm kư̆m pơpuh lu sư jăk đơ̆ng pơlei âu pơlei to.

Luka 11:49

Thoi noh na 'Bok Kei-Dei mă hơgei tôm tơdrong khan thoi âu: ‘Inh gô wơh lu bơngai pơtruh nơ̆r Inh păng lu bơngai jơ̆ng 'bang Inh năm bơtho lu sư, na 'blep kơ lu sư areh pơm kơnê̆ kơ lu sư phŏ kư̆m pơlôch.’

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 11:27

Hơtai ei đei lu bơngai đơ̆ng Pơlei Jêrusalem năm tơ Pơlei Antiôs. Lu sư bơngai pơtruh nơ̆r 'Bok Kei-Dei.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 15:27

Na nhôn wơh ăn kơ iĕm Juđa păng Silas. Bre sư gô khan kơ iĕm tơdrong bơtho âu mơ̆n.

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 15:31

Na lu sư đŏk lăng kơthơ ei, jơhngơ̆m lu sư chơt hiôk tơpă yua kơ kơtơ̆ng tơdrong noh.

Jang 15:41

Bre sư năm tơ dêh char Siri păng dêh char Salisia bơtho păng tơgŭm bơngai lui.

Jang 18:23

Sư oei tơ ei kư̆m đunh năr 'biơ̆ mơ̆n. Đơ̆ng noh sư năm tơ dêh char Galati păng dêh char Phiji bơtho păng tơgŭm lu bơngai lui athei lu sư lui mă kơjăp.

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

Jang 20:2

Sư năm jơ̆p tơ dêh char Masêđôn ei bơtho tơgŭm tơpă kơ lu bơngai lui wă kơ lu sư lui mă kơjăp. Klaih kơ noh sư năm tơ dêh char Grĕk dơ̆ng.

Rom 12:6

Na 'Bok Kei-Dei ăn kơ bơ̆n phara tơdrong hơgei, mơ'nah sư hơgei pơm kiơ, gơh jang tơdrong kiơ, na bơ̆n athei jang kiơ̆ kơ Sư ăn noh. Dah Sư ăn kơ bơ̆n hơgei gơh tơbăt kơ đe tơdrong Sư, bơ̆n kư̆ kơ jang tơdrong noh. Bơ̆n gơh dang yơ bơ̆n jang dang noh.

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

I Kor 1:8

Sư ăn kơ iĕm oei lui kơjăp truh năr tôch, wă kơ iĕm oei 'lơ̆ng tơpăt huay kơ đei tơdrong yoch kiơ kơplah năr Kră Yang Yêsu Krist jur.

I Kor 14:29

Gah lu bơngai pơtruh kơ iĕm nơ̆r 'Bok Kei-Dei, iĕm athei lu sư bơtho lăp 'bar 'nu dah pêng 'nu păng ăn kơ tơduă lu sư bơngai pơtruh nơ̆r 'Bok Kei-Dei tơchĕng tơdrong bơngai mă dơ̆ng bơtho noh hăm 'blep trŏ kơ tơdrong 'Bok Kei-Dei tơpă dah ưh.

I Kor 14:3

Mă-lei gah lu bơngai mă pơtruh nơ̆r 'Bok Kei-Dei, sư bơtho tơblơ̆ tơblang kơ kon bơngai bơ̆n wă kơ hlôh na jing lui kơjăp hiôk huay pă ơh sơ'ngon.

I Kor 14:32

Bơngai mă pơtruh nơ̆r 'Bok Kei-Dei, dah 'Bok Kei-Dei tơbăt ăn kơ sư tơdrong kiơ wă pơtruh ăn kơ bơngai lui, bơngai noh kư̆m gơh gô bôl bơtho đang 'mơ̆i na sư gơh iung pơma kơ đe,

Êphêsô 3:5

Adrol sơ̆ 'Bok Kei-Dei ưh tam mă tơbăt ăn kơ đe ôh tơdrong noh. Mă-lei dang ei Yang Bơhngol 'Lơ̆ng tơbăt ăn kơ lu jơ̆ng 'bang Yêsu hăm lu bơngai pơtruh nơ̆r Sư boih.

I Tes 2:11

Nhôn mơnat đĭ-đăng kơ lu iĕm kư̆m dang 'bă bơ̆n kơdih mơnat kơ bơ̆n mơ̆n.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

I Tes 5:14

Ơ 'nhŏng oh, nhôn pơkă kơ iĕm thoi âu: Iĕm athei bơtho bơngai alah wă kơ sư pơnam. Iĕm athei pơma dơnuh kơ bơngai sơ'ngon wă kơ sư hiơt kơ tơdrong sơ'ngon huay pă ơh klai dơ̆ng. Bơtho lu bơngai lui rơdu wă kơ sư lui kơjăp. Đe hơwĕng hil areh kơ iĕm, iĕm athei lê̆ đĕch.

I Tes 5:20

'Nĕ che bơle lu bơngai pơtruh nơ̆r 'Bok Kei-Dei, lu bơngai mă khan lê̆ hơdrol.

II Tes 3:12

Kră Yang Yêsu Krist wă kơ nhôn bơtho pơkă ăn kơ lu bơngai alah kơ jang thoi âu: Sư athei jang sa 'me klak akâu kơdih 'nĕ pă nŏng kơ chă ngôi.

I Tim 2:1

Dôm tơdrong inh wă pơkă kơ ih dang ei tơdrong âu kăl tơpă: Inh athei iĕm krao khan bơnê kơ 'Bok Kei-Dei ling-lang apinh Sư dŏng mơnat đĭ-đăng bơngai păng đĭ-đăng 'bok pơtao păng đĭ-đăng kră pơgơ̆r wă kơ bơ̆n oei hiôk-hian păng đei đon tơpăt kiơ̆ tơdrong 'Bok Kei-Dei.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.