Jang 15:31 - Sơ̆p Hlabơar Nơ̆r 'Bok Kei-Dei

³¹ Na lu sư đŏk lăng kơthơ ei, jơhngơ̆m lu sư chơt hiôk tơpă yua kơ kơtơ̆ng tơdrong noh.

Jang 15:31 Iomraidhean Croise

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 15:10

Kơlih kơ kiơ iĕm wă pơlong 'Bok Kei-Dei? Iĕm wă kơ lu bơngai tơmoi mă lui ei pŭ tơdrong anat kơ răk dôm lu tơdrong Môis pơkă. Mă-lei tơdrong 'noh lu 'bok kơdră bơ̆n pŭ ưh kơ kĕ ôh păng bơ̆n kư̆m ưh kơ kĕ mơ̆n.

Jang 15:30

Na lu bơngai năm ăn kơthơ ei đơ̆ng Pơlei Jêrusalem truh tơ Pơlei Antiôs. Lăp lu sư truh boih, lu sư krao akŭm đĭ-đăng bơngai lui păng ăn kơ lu sư kơthơ ei hloi.

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 16:5

Na rim pơlei, lu bơngai lui rai đunh rai lơ rai kơjăp rai pran lui kơ Kră Yang 'Bok Kei-Dei.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.