Jang 15:20 - Sơ̆p Hlabơar Nơ̆r 'Bok Kei-Dei

²⁰ Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Jang 15:20 Iomraidhean Croise

Bl 35:2

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

Bl 9:4

Mă-lei lu iĕm 'nĕ kơ sa 'nhĕm lu kon sem mă đei bơhngol arih, wă khan oei đei pham.

Le 20:23

na, 'nĕ kơ man rup yang kơdih iĕm păng hu dah maih na pơting hăm Inh.

Êsêkiên 33:25

Lei na khan bĕ kơ lu sư, Kră Yang khan thoi âu: Yua kơ lu iĕm sa 'nhĕm oei pham, măt lu iĕm maih lăng tơ rup yang, lu iĕm tuh pham pơlôch băl, lei lu iĕm gô iŏk char âu hă?

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Lêwi 18:6

'Nĕ kơ ăn minh 'nu lăm lu iĕm năm jê̆ bơngai drŏ-kăn kơtum kơtŏng iĕm kơdih na hưch pơm kư̆ kă, Inh boih Kră Yang.

Lêwi 19:26

Lu iĕm 'nĕ kơ sa 'nhĕm mă oei đei pham, 'nĕ kơ pơm pơjâu chă tơwir lăng tơdra.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Jang 21:25

Gah lu khŭl tơmoi nai lui kơ Kră Yang Yêsu, nhôn chih bơtho kơ lu sư boih khan kơ lu sư kơ̆m kơ sa tơmam đe pơyơ̆r kơ yang kơnê̆, kơ̆m kơ sa pham dôm sem bơ̆n rong dah sem bri; hơdrol kơ bơ̆n wă pơm tơmam sa bơ̆n athei kăt dah 'bet tŭk lê̆ pham sư; păng 'nĕ kơ ngôi pơyô kư̆ kă.”

I Kor 5:11

Kơthơ inh chih kơ iĕm ki, inh khă kuă ăn iĕm tơbôl păng bơngai mă lui ră, mă sư ưh kơ kiơ̆ tơdrong lui tơpă. Sư oei pơm pơyô kư̆ kă, sư oei 'nhĕng kơ mŭk tơmam đe, sư kơkuh kơ rup yang, sư oei hiĕk achơ̆ kơ đe ling-lang, sư oei et sik suai, sư oei tơtông mŭk tơmam đe; dôm lu bơngai thoi noh inh kuă ăn iĕm tơbôl păng kuă ăn sŏng sa hơdai.

I Kor 6:13

Tơpă mơ̆n 'Bok Kei-Dei pơjing tơmam sa wă 'me klak bơ̆n, 'Bok Kei-Dei pơjing klak bơ̆n wă mong tơmam sa, mă-lei ning-mônh sư wă pơrăm đĭ 'bar anăn 'noh, kơlih kơ ưh pă yua boih năr noh kơnh. Mă-lei gah akâu bơ̆n ưh kơ sĭ 'Bok Kei-Dei pơjing akâu bơ̆n wă kơ bơ̆n ngôi pơyô kư̆ kă ôh. Sư pơjing akâu bơ̆n wă kơ bơ̆n jang tơdrong Yŏng bơ̆n Yêsu Krist na Yŏng bơ̆n wei-lăng akâu bơ̆n.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

I Kor 7:2

Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.

I Kor 8:1

Gah tơdrong sa tơmam đe sơmah kơ yang, iĕm khan iĕm băt tôm boih gah tơdrong noh. Mă-lei inh khan kơ iĕm, bơngai bu pơm sa pơjĭp tơmam đe sơmah kơ yang 'bơ̆t anăp đe 'nhŏng oh sư 'nao lui, lu bơngai 'noh sư ưh kơ hlôh tôm ôh gah tơdrong sa tơmam đe sơmah. Sư wă pơang akâu sư kơdih đĕch khan hlôh tôm boih. Dah sư tơchĕng mơnat kơ bôl sư 'nao lui ưh tam băt tôm tơdrong lei sư ưh kơ sa ôh tơmam đe sơmah noh, wă kơ bôl sư huay kơ jrok.

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

Galati 5:19

Lu bơngai mă tơchĕng kiơ̆ kơ jơhngơ̆m đon sư kơdih, lu sư pơm tôm tơdrong thoi lu tơ ala âu: Sư ngôi pơyô kư̆ kă, sư ưh kơ gơh wei jơ̆ng ti kơdih;

Êphêsô 5:3

Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

Both 12:16

Mă-lei lu iĕm 'nĕ kơ sa pham; athei tuh hŭt lê̆ tơ teh thoi tuh hŭt đak.

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

Both 15:23

Mă-lei iĕm 'nĕ kơ sa pham sư; athei tuh hŭt lê̆ pham noh tơ teh thoi tuh đak.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Tes 4:3

Kră Yang 'Bok Kei-Dei wă kơ bơ̆n đei đon 'lơ̆ng tơpăt. Sư ưh kơ wă kơ bơ̆n pơm pơyô kư̆ kă ôh.

Hêbrơ 12:16

Iĕm athei kơchăng, wă kơ lơ̆m lu iĕm huay kơ đei bu ngôi pơyô kư̆ kă, dah pơhơi tơdrong 'Bok Kei-Dei thoi Êsâu sơ̆. Sư tĕch đĭ dôm mŭk tơmam mă 'bă sư wă ăn kơ sư yua kơ sư kon kơdră, mă sư tĕch pơđĭ kơ oh sư lăp minh 'măng sa đĕch.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Tơdrông Tơ'bôh 10:2

Ti sư chĕp minh sơnôm hla bơar iĕ mă bơlang lê̆ boih. Jơ̆ng sư gah 'ma juă kơpal đak dơsĭ, jơ̆ng sư gah 'ngiĕo juă kơpal teh.

Tơdrông Tơ'bôh 10:8

Klaih kơ noh inh kơtơ̆ng dơ̆ng nơ̆r mă pơma kơ inh đơ̆ng plĕnh hei, Sư pơma kơ inh thoi âu: “Ih năm iŏk hla bơar đơ̆ng ti linh jang 'lơ̆ng mă bơlang lê̆ boih mă sư dơ̆ng jơ̆ng minh pah tơ đak dơsĭ minh pah tơ kơpal teh noh.”

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.

Tơdrông Tơ'bôh 2:20

Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.

I Sam 14:32

Kon pơlei pă kĕ kơ pơngot dêh, yoh rôp hloi bơ̆n triu, rơmo, kon rơmo pơlôch đơ̆ng noh sa 'nhĕm hrâu hăm pham 'bơ̆t oei pai.

I Sam 14:33

Đei bơngai năm roi kơ Sôl: Kon pơlei pơm yoch hăm Kră Yang, sa 'nhĕm hrâu hăm pham. Sư tơl: 'Noh boih minh tơdrong yoch trăp dêh hăm Kră Yang: Athei jah tơlơ̆ hloi tơmo tih ăn tơ jê̆ inh.