Jang 15:19 - Sơ̆p Hlabơar Nơ̆r 'Bok Kei-Dei

¹⁹ Na inh tơchĕng thoi âu: Bơ̆n 'nĕ pơgŏ lu bơngai tơmoi mă lui kơ 'Bok Kei-Dei hŏ.

Jang 15:19 Iomraidhean Croise

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Hôsia 14:2

Krao apinh bĕ 'bơ̆t anăp Kră Yang, păng jah wih brŏk bĕ tơ Sư. Khan bĕ kơ Sư thoi âu: Pơklaih bĕ dôm tơdrong kơnê̆ lu nhôn, apinh Ih 'mêm mơnat sơng iŏk lu nhôn, wă kơ lu nhôn gơh pơyơ̆r nơ̆r bơnê đơ̆ng 'bơ̆r lu nhôn.

Jang 15:10

Kơlih kơ kiơ iĕm wă pơlong 'Bok Kei-Dei? Iĕm wă kơ lu bơngai tơmoi mă lui ei pŭ tơdrong anat kơ răk dôm lu tơdrong Môis pơkă. Mă-lei tơdrong 'noh lu 'bok kơdră bơ̆n pŭ ưh kơ kĕ ôh păng bơ̆n kư̆m ưh kơ kĕ mơ̆n.

Jang 15:24

Nhôn kơtơ̆ng ang lu bơngai đơ̆ng nhôn năm bơtho iĕm khan athei iĕm kăt tơdra akar păng răk dôm lu tơdrong juăt Môis pơkă. Đơ̆ng sơ̆ nhôn ưh kơ athei iĕm pơm thoi noh ôh, na dang ei iĕm hơwơ̆l boih. Lu bơngai athei iĕm răk dôm tơdrong juăt Môis pơkă noh, lu sư năm bơtho kơdih đĕch. Nhôn ưh kơ wơh sư ôh.

Jang 15:28

Yang Bơhngol 'Lơ̆ng păng nhôn ưh kơ wă athei iĕm pơm lu tơdrong anat, mă-lei iĕm athei kiơ̆ lu tơdrong âu đĕch:

Jang 21:21

Lu sư kơtơ̆ng đe jô̆ kơ ih bơtho lu bơngai Juđê tơ dêh đe tơmoi khan ih athei lu sư tŭk đĭ tơdrong juăt Môis păng tŭk tơdrong kăt tơdra akar lu kon sư păng tŭk đĭ dôm tơdrong juăt Juđê mơ̆n.

Jang 21:25

Gah lu khŭl tơmoi nai lui kơ Kră Yang Yêsu, nhôn chih bơtho kơ lu sư boih khan kơ lu sư kơ̆m kơ sa tơmam đe pơyơ̆r kơ yang kơnê̆, kơ̆m kơ sa pham dôm sem bơ̆n rong dah sem bri; hơdrol kơ bơ̆n wă pơm tơmam sa bơ̆n athei kăt dah 'bet tŭk lê̆ pham sư; păng 'nĕ kơ ngôi pơyô kư̆ kă.”

Jang 26:20

Thoi noh na inh bơtho đe tơ Pơlei Đamas hơdrol, klaih kơ noh inh năm bơtho tơ Pơlei Jêrusalem, hăm inh năm bơtho jơ̆p-jang dêh char Juđê păng lu dêh char tơmoi. Inh bơtho athei lu sư tơbral kơdih đơ̆ng tơdrong yoch hăm lui kơ 'Bok Kei-Dei, na pơm kiơ̆ tơdrong 'lơ̆ng wă kơ đe băt kơ lu sư tơbral kơdih tơpă.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

I Tes 1:9

Đe kơtơ̆ng thoi noh, đe kư̆m roi kơ nhôn mơ̆n tơdrong iĕm sơng iŏk nhôn păng tơdrong iĕm ưh pă wă kơkuh kơ lu rup yang dơ̆ng, na iĕm lui hloi kơ Kră Yang 'Bok Kei-Dei. 'Bok Kei-Dei Sư Yang tơpă, Sư arih ling-lang.