Jang 15:13 - Sơ̆p Hlabơar Nơ̆r 'Bok Kei-Dei

¹³ Lăp bre sư pơma đang boih, Yakơ iung pơma thoi âu dơ̆ng: “Ơ lu 'nhŏng oh, apinh iĕm mơ̆ng inh bĕ.

Jang 15:13 Iomraidhean Croise

Markôs 15:40

Kư̆m đei lu bơngai drŏ-kăn oei tơ anih đe pơlôch Yêsu noh, lu sư lăng đơ̆ng ataih. Anăn lu sư noh: Mari đơ̆ng Pơlei Mađơla, Salômê păng Mari mĕ bre Jôsê hăm Yakơ mă oei tơdăm.

Jang 12:17

Na Pêtrôs yơ̆r ti khă lu sư pơma, na oei thĕng huay pă pơma boih. Na Pêtrôs roi kơ lu bơngai oei lăm hnam ei kơ tơdrong 'Bok Kei-Dei tơlĕch sư. Pêtrôs athei lu bơngai oei lăm hnam ei năm khan kơ 'bok Yakơ păng lu bơngai lui wă roi tơdrong sư lĕch. Đang kơ sư roi tơdrong ei Pêtrôs jăk oei tơ nai dơ̆ng.

Jang 15:14

Pêtrôs roi tơdrong 'Bok Kei-Dei mơnat kơ lu bơngai tơmoi hơdrol sơ̆ wă rơih lu bơngai tơmoi na lu bơngai tơmoi lu mơ'nah lui kiơ̆ kơ 'Bok Kei-Dei tơpă.

Jang 2:14

Đơ̆ng noh Pêtrôs dơ̆ng hơdai hăm lu mơjĭt-mônh 'nu bôl sư. Sư bơtho kơ lu bơngai oei tơ ei khan: “Ơ lu kon Juđê hăm lu bơngai oei tơ lăm Pơlei Jêrusalem, iĕm mơ̆ng inh pơma bĕ; iĕm athei băt tơdrong 'nâu.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Jang 2:29

Pêtrôs oei pơma: “Ơ 'nhŏng oh, inh wă pơma kơ iĕm mă nhên gah Đawit 'bok kơdră bơ̆n sơ̆. Đawit lôch boih. Klaih kơ noh đe 'bŭ sư. Bơsat sư tơ Pơlei Jêrusalem kư̆m oei khơ̆ dang ei mơ̆n.

Jang 21:18

Na dơning dơ̆ng Pôl năm hơpong tơ Yakơ. Nhôn kư̆m năm kiơ̆ hơdai sư mơ̆n. Lu kră wei-lăng bơngai lui kư̆m hơdai wang năm akŭm tơ ei.

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Galati 1:19

Inh kư̆m tơ'bơ̆p Yakơ oh Yêsu mơ̆n, mă-lei inh ưh kơ đei tơ'bơ̆p jơ̆ng 'bang Yêsu nai ôh kơplah noh.

Galati 2:12

Sơ̆ Pêtrôs năm hơpong tơ pơlei nhôn Antiôs, sư kư̆m sŏng sa hơdai lu bơngai nai mă ưh kơ khŭl sư mơ̆n. Na đei minh năr ei Yakơ wơh buăl sư năm tơ nhôn. Lăp lu nhôn wă sŏng sa, na Pêtrôs ưh kơ pơ̆n sŏng sa hơdai hăm lu bơngai mă ưh kơ khŭl sư, yua kơ sư hli kơ buăl sư mă 'nao truh noh hil kơ sư. Lu bơngai noh athei đĭ-đăng lu bơngai lui kơ Yêsu kăt tơdra akar păng ưh kơ ăn lu bơngai Juđê sŏng sa hơdai lu bơngai mă ưh kơ khŭl sư.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.