Jang 15:11 - Sơ̆p Hlabơar Nơ̆r 'Bok Kei-Dei

¹¹ Bơ̆n băt bơ̆n klaih đơ̆ng tơdrong yoch yua kơ Kră Yang Yêsu 'mêm mơnat đĕch păng lu bơngai tơmoi kư̆m lei-lăi mơ̆n.”

Jang 15:11 Iomraidhean Croise

Rom 3:24

Mă-lei 'Bok Kei-Dei oei 'mêm kơ kon bơngai jô̆ kon bơngai jing 'lơ̆ng hăm Sư. Sư mơnat ăn đĕch. Yua kơ Sư mơnat na Sư ăn Yêsu Krist huai iŏk bơ̆n.

Rom 5:15

Tơdrong yoch hăm tơdrong 'Bok Kei-Dei 'mêm mơnat, sư phara. Tơdrong yoch, yua kơ minh 'nu bơngai pơm yoch na đĭ-đăng bơngai jing lôch. Na tơdrong 'Bok Kei-Dei 'mêm mơnat, yua kơ minh 'nu Yêsu Krist lôch tang đĭ-đăng kon bơngai na kon bơngai gô iung arih.

Rom 6:23

Bu jang chă tơdrong yoch, apah sư tơdrong lôch. Mă-lei gah lu bơ̆n, dang ei 'Bok Kei-Dei ăn đĕch kơ bơ̆n arih ling-lang yua kơ bơ̆n lui kơ Kră Yang bơ̆n Yêsu Krist.

I Kor 16:23

Inh apinh Kră Yang Yêsu Krist wei-lăng iĕm lăm tôm tơdrong.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Galati 2:16

Mă-lei nhôn lui kơ Yêsu boih, nhôn băt kơdih 'Bok Kei-Dei jô̆ lu nhôn 'lơ̆ng tơpăt hăm Sư noh yua kơ nhôn lui păng gơnang kơ Yêsu Krist, ưh kơ sĭ yua kơ nhôn lui kiơ̆ tơdrong juăt Môis khŏm khŏm na 'Bok Kei-Dei jô̆ bơ̆n 'lơ̆ng tơpăt hăm Sư ôh. Dang ei nhôn lui boih kơ Yêsu Krist, na mă 'Bok Kei-Dei jô̆ nhôn bơngai 'lơ̆ng tơpăt hăm Sư. Ưh kơ đei bu 'Bok Kei-Dei wă jô̆ sư 'lơ̆ng tơpăt, dah sư oei gơnang kơ akâu sư kơdih wă kiơ̆ tơdrong juăt Môis.

Tit 2:11

'Bok Kei-Dei khan tơbăt ăn kơ bơ̆n băt kơ Sư 'mêm mơnat kơ bơ̆n tơpă wă pơklaih đĭ-đăng bơngai đơ̆ng tơdrong yoch.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.