Jang 14:3 - Sơ̆p Hlabơar Nơ̆r 'Bok Kei-Dei

³ Bre Pôl păng 'Barna'ba oei tơ pơlei ei kư̆m đunh 'biơ̆ mơ̆n. Kră Yang tơgŭm bre sư bơtho kư̆m nuih tơpă. Kră Yang ăn kơ bre sư pơm tơdrong mơsêh mơyang wă kơ đe băt kơ bre sư bơtho tơdrong 'Bok Kei-Dei tơpă, wă pơklaih kon bơngai đơ̆ng tơdrong yoch.

Jang 14:3 Iomraidhean Croise

Markôs 16:20

Klaih kơ noh lu bơngai pơhrăm păng Sư năm chă bơtho jơ̆p-jang. Kră Yang Yêsu kư̆m tơgŭm lu sư jang gơh pơm tôm tơdrong mơsêh wă kơ đe băt kơ lu sư bơtho tơdrong 'Bok Kei-Dei tơpă.

Yo 4:48

Yêsu khan kơ sư: “Dah Inh ưh kơ pơm tơdrong mơsêh mơyang lei iĕm ưh kơ wă lui kơ Inh ôh.”

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 5:32

Nhôn 'bôh tơpă lu tơdrong noh na roi kơ iĕm. Yang Bơhngol 'Lơ̆ng kư̆m tơbăt ăn kơ nhôn tơdrong noh mơ̆n yua kơ 'Bok Kei-Dei ăn Yang Bơhngol 'Lơ̆ng kơ đĭ-đăng bơngai chu lui kơ Sư.”

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.