Jang 14:22 - Sơ̆p Hlabơar Nơ̆r 'Bok Kei-Dei

²² Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 14:22 Iomraidhean Croise

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Mathiơ 10:38

Bu ưh kơ chu tôi 'long pơglang sư kơdih lôch kiơ̆ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Mathiơ 19:24

Inh khan kơ iĕm thoi âu dơ̆ng, aseh lăk-đa mơ̆t bơlôh jrŭm 'bônh 'biơ̆ kơ bơngai mơdrŏng wă mơ̆t tơ dêh char 'Bok Kei-Dei.”

Markôs 10:30

bơngai 'noh dang ei 'Bok Kei-Dei tơgŭm sư hloh loi kơ sư tam mă lui sơ̆, mă hnam, mă 'nhŏng oh, mă mĕ 'bă, mă kon, mă mir 'ba, sư gô đei lơ hloh kơ sơ̆ tơpă. Sư kư̆m đei tơdrong anat anot yua kơ jang tơdrong Inh kơplah dang ei mơ̆n. Mă-lei ning-mônh sư gô arih ling-lang ưh kơ đei layơ tôch.

Markôs 9:47

Dah minh pah măt iĕm pơm kơ iĕm yoch, kuek hŭt minh pah măt iĕm 'noh, na oei pă minh pah 'noh iĕm gơh mơ̆t oei lăm dêh char 'Bok Kei-Dei. 'Noh 'lơ̆ng hloh kơ iĕm oei tôm 'bar pah măt, mă-lei wă huŏng lăm dơnâu ŭnh.

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Yo 15:18

“Dah bơngai ala teh âu hil areh kơ iĕm, iĕm kư̆m băt mơ̆n lu sư hil 'noh, lu sư hil areh kơ Inh mă hơdrol.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 11:26

Lăp sư chă 'bôh boih, sư anhăk ba Sôl tơ Pơlei Antiôs. Kơplah minh sơnăm bre sư bơtho lu bơngai lui tơ Pơlei Antiôs. Bre sư bơtho tơdrong 'Bok Kei-Dei na lơ bơngai năm mơ̆ng. Tơ ei đe anăn lu bơngai lui, bơngai Krist. Đơ̆ng sơ̆ đe ưh kơ anăn thoi noh ôh.

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 14:20

Na đơ̆ng noh lu bơngai lui năm truh tơ ei oei lăng tăp dăr kơ Pôl. Pôl sư iung hloi năm mơ̆t tơ pơlei dơ̆ng. Năr dơning bre Pôl păng 'Barna'ba năm tơ Pơlei Dibơ.

Jang 14:28

Bre sư oei hơdai păng lu bơngai lui tơ pơlei ei đunh năr 'biơ̆ mơ̆n.

Jang 15:32

Đơ̆ng sơ̆ bre Juđa păng Silas bơngai pơtruh nơ̆r 'Bok Kei-Dei. Bre sư bơtho kư̆m đunh mơ̆n wă kơ lu sư chơt hiôk lăm tơdrong 'Bok Kei-Dei, wă kơ lu sư lui mă kơjăp.

Jang 15:41

Bre sư năm tơ dêh char Siri păng dêh char Salisia bơtho păng tơgŭm bơngai lui.

Jang 18:23

Sư oei tơ ei kư̆m đunh năr 'biơ̆ mơ̆n. Đơ̆ng noh sư năm tơ dêh char Galati păng dêh char Phiji bơtho păng tơgŭm lu bơngai lui athei lu sư lui mă kơjăp.

Jang 6:7

Đe bơtho nơ̆r 'Bok Kei-Dei rai đunh rai jơ̆p. Lu bơngai lui lăm Pơlei Jêrusalem rai lơ tơpă, kư̆m đei bơngai 'bok soi lui kiơ̆ kơ Yêsu lơ mơ̆n.

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Kor 1:8

Sư ăn kơ iĕm oei lui kơjăp truh năr tôch, wă kơ iĕm oei 'lơ̆ng tơpăt huay kơ đei tơdrong yoch kiơ kơplah năr Kră Yang Yêsu Krist jur.

Philip 1:29

'Bok Kei-Dei 'mêm kơ iĕm na Sư ăn kơ iĕm lui kơ Yêsu, mă ưh kơ sĭ Sư ăn kơ iĕm lui kơ Yêsu lui hiôk, kơkuh kơ Sư kơkuh hiôk đĕch ôh. Sư wă kơ iĕm pơư pơang kơ đe anăn Yêsu Krist mă tơpă, na mă Sư kư̆m ăn kơ iĕm pŭ pơmat tơdrong Yêsu mơ̆n.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

I Tes 3:13

Thoi noh boih na jơhngơ̆m iĕm jing pran kơtang, na lăp Kră Yang bơ̆n Yêsu Krist jur đơ̆ng plĕnh hơdai păng lu bơngai lui kơ Sư ning-mônh, na 'Bă tơm bơ̆n 'Bok Kei-Dei 'bôh iĕm bơngai 'lơ̆ng tơpăt huay kơ đei tơdrong yoch.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

II Tim 3:12

Dôm lu bơngai mă gơnang kơ Kră Yang Yêsu Krist wă pơm đon 'lơ̆ng tơpăt, lu sư gô đei tơdrong đe areh pơm kơnê̆ kơ lu sư.

I Pet 2:21

'Bok Kei-Dei krao iŏk bơ̆n wă kơ bơ̆n iŏk jơhngơ̆m đon dim gơh găt kuă ăn pơm kơnê̆ kơ đe mă khan đe pơm kơnê̆ kơ bơ̆n. Yêsu Krist đei tơdrong gleh pơmat-tat thoi noh mơ̆n sơ̆ yua wă tơgŭm bơ̆n. Mă-lei Sư ưh kơ đei pơm kơnê̆ kơ đe ôh, Sư pơm trong wă kơ bơ̆n rok kiơ̆ Sư.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

I Pet 5:9

Thoi noh na bơ̆n athei lui mă kơjăp wă kơ bơ̆n gơh puh sư mă ataih. Iĕm kư̆m băt boih đĭ-đăng 'nhŏng oh bơngai lui oei jơ̆p-jang kơ teh đak tă đei tơdrong gleh thoi iĕm mơ̆n.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.

Tơdrông Tơ'bôh 1:9

Mă gah inh âu, anăn inh Yôhan 'nhŏng oh iĕm. Đĭ-đăng kơ bơ̆n pôm đon hăm Yêsu Krist, đĭ-đăng kơ bơ̆n mă iĕm mă inh tă ngăl đei tơdrong gleh truh, đĭ-đăng kơ bơ̆n đei minh 'nu Yêsu Krist pơgơ̆r wei-lăng. Bơ̆n adrin lui kơjăp mă khan đe areh kơ bơ̆n, thoi lĕ kơ inh đe phak oei tơ bŏl đak mă đe anăn bŏl đak Patmôs, yua kơ inh ră roi kơ đe nơ̆r 'Bok Kei-Dei păng tơdrong Yêsu.

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.