Jang 14:21 - Sơ̆p Hlabơar Nơ̆r 'Bok Kei-Dei

²¹ Bre sư bơtho Tơdrong 'Nao 'Lơ̆ng tơ Pơlei Dibơ ei, đei lơ bơngai lui kơ Kră Yang Yêsu. Đơ̆ng noh na bre sư brŏk tơ Pơlei Litrơ, Pơlei Ikôni păng Pơlei Antiôs.

Jang 14:21 Iomraidhean Croise

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Jang 13:14

Đơ̆ng Pơlei Perga bre sư năm tơ Pơlei Antiôs lăm dêh char Pisidi. Năr pơdơh bre sư năm mơ̆t tơ hnam akŭm đe Juđê na lu sư akŭm lăm ei.

Jang 13:51

Na bre sư sơpuih 'bruih tơ jơ̆ng bre sư wă tơbăt kơ lu sư, lu sư bơngai yoch. Na bre Pôl năm hloi tơ Pơlei Ikôni.

Jang 14:1

Tơ Pơlei Ikôni bre sư kư̆m mơ̆t tơ hnam akŭm đe Juđê bơtho đe mơ̆n. Bre sư bơtho hơgei tơpă na lơ bơngai Juđê păng lơ bơngai nai lui kơ Kră Yang Yêsu.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.

Jang 14:26

Đơ̆ng Pơlei Atali bre sư tŏk thŏng-nan năm tơ Pơlei Antiôs lăm dêh char Siri. Tơ pơlei ei sơ̆ đe krao khan kơ 'Bok Kei-Dei apinh 'Bok Kei-Dei tơgŭm bre sư năm bơtho tơdrong Sư. Bre sư năm bơtho đang boih na brŏk tơ pơlei ei dơ̆ng mơ̆n.

Jang 14:6

Lăp bre sư kơtơ̆ng tơdrong noh, bre sư kơdâu jăk tơ dêh char Likanê. Tơ ei bre sư chă bơtho Tơdrong 'Nao 'Lơ̆ng tơ Pơlei Litrơ, Pơlei Dibơ păng lu pơlei tơring kiơ̆ ei mơ̆n.

Jang 14:8

Tơ Pơlei Litrơ đei minh 'nu bơngai jơ̆ng jo, đơ̆ng đe tơpŭ kơ sư sơ̆ ưh kơ gơh yak.

Jang 15:36

Kư̆m đunh mơ̆n đơ̆ng rŏng kơ noh dơ̆ng, Pôl khan kơ 'Barna'ba thoi âu: “Ơ 'Barna'ba, bĕ ba năm hơpong kơ 'nhŏng oh bơ̆n tơ rim pơlei đêl ba bơtho sơ̆ bĕ, đunh boih, ưh kơ băt sư lơliơ dang ei.”

Jang 16:2

Lu bơngai lui tơ Pơlei Litrơ păng Pơlei Ikôni jô̆ Timôthê bơngai 'lơ̆ng.

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

II Tim 3:11

Ih băt boih dôm tơdrong đe pơm kơnê̆ kơ inh, na inh đei tơdrong gleh dang yơ. Ih kư̆m băt boih dôm tơdrong đe pơm kơnê̆ kơ inh tơ Pơlei Antiôs, Pơlei Ikôni păng Pơlei Litrơ. Đe pơm kơnê̆ kơ inh tơpă mă-lei Kră Yang 'Bok Kei-Dei dŏng inh đơ̆ng dôm tơdrong noh.