Jang 14:18 - Sơ̆p Hlabơar Nơ̆r 'Bok Kei-Dei

¹⁸ Bre Pôl pơma thoi noh na lu sư tŭk lê̆ dôm tơdrong lu sư wă soi sơmah kơ bre Pôl noh. Mă-lei lu sư kư̆m oei wă soi sơmah ră mơ̆n. Yua kơ bre Pôl khan kơ lu sư, na lu sư lê̆ dơ̆ng.

Jang 14:18 Iomraidhean Croise

Bl 11:6

Kră Yang khan thoi âu: “Âu! Lăp minh adrĕch kon bơngai, lăp minh nơ̆r pơma; păng tơdrong jang lu sư đei pơm; dang ei ưh kơ đei kiơ pơgăn lu sư đơ̆ng tơdrong lu sư pơkă wă pơm.

Bl 19:9

Na kon pơlei khan: “Ih weh tơ nai!” Khan dơ̆ng: “Ih tơmoi truh tơ âu năm oei đĕch, mă-lei ih 'maih wă sek tơlang kơ nhôn hă? Thoi noh! Gô nhôn pơm kơnê̆ kơ ih păng bre tơmoi noh.” Na, lu sư tŭn drŭt Lot kơtang dêh păng tŭn drŭt wă kơ 'măng noh pơchah.

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Yo 6:15

Yêsu băt kơ lu đe ei wă rôp pơgŏ Sư athei pơm Pơtao lu sư. Na Sư kơdâu ôn kơdrô̆ Sư tơ kông.

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.