Jang 13:6 - Sơ̆p Hlabơar Nơ̆r 'Bok Kei-Dei

⁶ Lu sư năm jơ̆p kơ bŏl đak Chiprơ ei, truh tơ Pơlei Papôih. Tơ pơlei ei lu sư tơ'bơ̆p minh 'nu bơngai pơjâu Juđê. Sư khan 'Bok Kei-Dei ăn kơ sư pơma khan lê̆ hơdrol mă-lei 'Bok Kei-Dei ưh kơ ăn kơ sư ôh. Anăn bơngai pơjâu ei 'Barjasu.

Jang 13:6 Iomraidhean Croise

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

Le 22:18

Ih 'nĕ kơ lê̆ minh 'nu drŏ-kăn pơjâu arih ôh.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.

Mathiơ 16:17

Yêsu khan: “Ơ Simôn, kon Yôhan, ih hiôk tơpă. Kon bơngai ưh kơ đei tơbăt kơ ih tơdrong noh ôh. 'Bă Inh mă oei tơ plĕnh ti đĕch tơbăt kơ ih tơdrong noh.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Markôs 10:46

Lu sư truh tơ Pơlei Jêrikô. Yêsu păng lu bơngai pơhrăm păng Sư yak đơ̆ng pơlei 'noh hơdai hăm đe tơpôl lơ. Tơ anăp lu sư đei minh 'nu bơngai măt tol. Sư arih kơ chă apinh sa tơmam đe. Anăn sư 'Bartimê, kon Timê. Sư oei ngôi 'bơ̆t cheng trong.

Jang 13:13

Đơ̆ng Pơlei Papôih Pôl păng lu buăl sư tŏk thŏng-nan năm tơ Pơlei Perga lăm dêh Pamphili. Mă-lei Markôs achăng lê̆ bre buăl sư brŏk tơ Pơlei Jêrusalem dơ̆ng.

Jang 13:8

Mă-lei bơngai pơjâu ei, Êlimas, Êlimas anăn sư lăm nơ̆r Grĕk, sư tang găn bre Sôl păng 'Barna'ba wă kơ 'bok kuan tih ưh kơ lui kơ Kră Yang.

II Kor 11:13

Iĕm ngêh kơ lu bơngai noh pơm jơ̆ng 'bang Yêsu Krist tơpă hă? Ưh ôh. Lu sư hơlĕnh dêh ưh kơ đei layơ tơpăt, chă pôk pơang pơ'brơh kơ akâu kơdih đĕch khan pơm jơ̆ng 'bang Yêsu Krist.

II Tim 3:8

Thoi lĕ kơ bre Jannơ păng Jambrơ sơ̆, bre sư ayăt kơ Môis, kư̆m thoi lu bơngai drŏ-nglo âu ayăt tơdrong 'Bok Kei-Dei dang ei mơ̆n. Đon lu sư kơnê̆ dêh, lu sư ưh kơ lui kơ 'Bok Kei-Dei tơpă ôh.

I Yo 4:1

Ơ lu 'nhŏng oh mă juăt păng inh, iĕm 'nĕ lui kơ đĭ-đăng bơngai mă khan sư đei Yang Bơhngol 'Lơ̆ng pơma hơgei. Iĕm athei jet pơlong lăng sư 'mơ̆i wă kơ băt sư đei Yang Bơhngol 'Lơ̆ng đơ̆ng 'Bok Kei-Dei, dah yang nai đĕch ăn kơ sư pơma. Kơlih kơ đei lơ bơngai jơ̆p kơ teh đak chă bơtho, sư khan sư pơtruh nơ̆r sư kơtơ̆ng đơ̆ng 'Bok Kei-Dei sơmă sư hơlĕnh đĕch.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.