Jang 13:50 - Sơ̆p Hlabơar Nơ̆r 'Bok Kei-Dei

⁵⁰ Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 13:50 Iomraidhean Croise

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

Êsai 66:5

Ơ lu iĕm bơngai mơ̆ng nơ̆r Kră Yang pơma mă hli tơtey, mơ̆ng bĕ nơ̆r Kră Yang. “'Nhŏng oh lu iĕm bơngai mă hil areh kơ lu iĕm, hŭt lê̆ lu iĕm yua anăn Inh păng khan: ‘Hơpơi kơ Kră Yang đei ư-ang, wă kơ lu nhôn 'bôh tơdrong hiôk chơt lu iĕm.’ Mă-lei lu sư bơih gô mơlâu.

Am 7:12

Amsia khan kơ Amôs: Ơ bơngai khan lê̆ adrol, weh bĕ đơ̆ng âu, năm tơ lăm teh đak Juđa, arih sa păng khan lê̆ adrol tơ noh.

Mathiơ 10:23

Dah đe pơm kơnê̆ kơ iĕm tơ pơlei âu, iĕm kơdâu bơtho pơlei nai dơ̆ng. Inh khan kơ iĕm tơpă, kơplah iĕm oei chă bơtho đe tam mă jơ̆p kơ dêh Isơrael, Inh Kon Bơngai jur boih.

Markôs 5:17

Đơ̆ng noh na đe apinh Yêsu athei Sư jăk đơ̆ng tơring đe ei.

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.

Jang 14:2

Lu bơngai Juđê mơ'nah ưh kơ wă lui kơ Yêsu. Sư pơhlŭ lu bơngai nai mă ưh kơ khŭl sư wă kơ sư areh kơ lu bơngai lui kơ Yêsu.

Jang 14:4

Lăm kon pơlei pơla lu mơ'nah oei kiơ̆ gah đe Juđê, mơ'nah oei kiơ̆ gah jơ̆ng 'bang Yêsu Krist.

Jang 14:5

Na bơngai Juđê păng bơngai nai, lu mơ'nah pôm đon păng lu yŏng sư, lu mơ'nah ưh mơ̆n. Lu bơngai pôm đon păng yŏng sư ei, sư wă klơ̆m bre Pôl păng 'Barna'ba păng tơmo.

Jang 16:14

Lăm lu drŏ-kăn oei mơ̆ng nhôn ei đei minh 'nu anăn sư Liđa. Sư bơngai đơ̆ng Pơlei Thiatir. Sư bơngai juăt kơ mơdro tĕch che jơk păng sư lui kơkuh kơ 'Bok Kei-Dei đơ̆ng sơ̆. Na Kră Yang 'Bok Kei-Dei tơgŭm sư lui kơ nơ̆r Pôl bơtho.

Jang 17:12

Thoi noh na lăm lu bơngai Juđê tơ ei đei lơ bơngai lui kơ Yêsu. Kư̆m đei lơ bơngai drŏ-kăn sư bơngai Grĕk, sư hơgei păng mơdrŏng păng lơ bơngai Grĕk drŏ-nglo kư̆m lui mơ̆n.

Jang 17:13

Lu bơngai Juđê đơ̆ng Pơlei Têsalônik kơtơ̆ng ang tơdrong Pôl bơtho tơdrong 'Bok Kei-Dei tơ Pơlei Bêrê, na lu sư năm tơ ei pơhlŭ lu kon pơlei pơla wă pơm kơnê̆ kơ bre sư.

Jang 17:17

Na Pôl bơtho lu bơngai Juđê păng lu bơngai nai mă lui kơ 'Bok Kei-Dei tơ hnam akŭm bơngai Juđê wă kơ lu sư lui kơ Yêsu. Pôl kư̆m bơtho lu kon pơlei pơla tơ kơchơ mơ̆n.

Jang 17:4

Lăm lu bơngai Juđê đei lu mơ'nah lui kơ tơdrong Pôl bơtho na lu sư pôm đon păng bre Pôl păng Silas. Lơ bơngai Grĕk mă lui kơ tơdrong 'Bok Kei-Dei đơ̆ng sơ̆ păng lơ bơngai drŏ-kăn mă đei đon kư̆m lui kơ Yêsu mơ̆n.

Jang 18:7

Pôl ưh pă bơtho boih lu bơngai Juđê ei. Na sư năm bơtho tơ hnam minh 'nu bơngai ưh kơ khŭl Juđê, anăn sư Titơ Jơtơ. Bơngai ei lui kơ 'Bok Kei-Dei đơ̆ng sơ̆. Hnam sư jê̆ hnam akŭm bơngai Juđê.

Jang 2:5

Lăm năr 'noh tơ Pơlei Jêrusalem, đei lơ lu đe Juđê, lu sư mă 'maih kơkuh kơ 'Bok Kei-Dei; lu sư năm đơ̆ng jơ̆p-jang kơ dêh char năm tơ Pơlei Jêrusalem.

Jang 21:27

Lăp wă jê̆ tôm tơpơh năr giĕng ei boih, lu bơngai Juđê đơ̆ng dêh char Asi 'bôh Pôl lăm hnam akŭm 'Bok Kei-Dei tơm. Lu sư pơhlŭ lu kon pơlei pơla tơ ei hơdai hil kơ Pôl, na rôp Pôl hloi.

Jang 28:17

Nhôn oei tơ ei đei pêng năr boih na Pôl krao akŭm lu kră bơngai Juđê. Lăp sư akŭm boih Pôl khan kơ lu sư: “Ơ lu 'nhŏng oh, inh ưh kơ đei pơm kơnê̆ kơ lu bơngai Juđê bơ̆n dah tơdrong juăt lu kră bơ̆n sơ̆. Mă-lei lu bơngai Juđê đơ̆ng nai rôp inh tơ Pơlei Jêrusalem păng jao inh tơ lu bơngai Rôm.

Jang 6:12

Thoi noh lu sư pơchŭt lu kon pơlei pơla, đe kră sek tơlang păng lu kră bơtho tơdrong juăt Juđê. Đơ̆ng noh na đe năm rôp Êtien anhăk ba sư tơ anăp đe kră sek tơlang.

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Rom 10:2

Inh băt mơ̆n lu sư adrin kiơ̆ tơdrong 'Bok Kei-Dei; mă-lei inh hli kơ lu sư kiơ̆ ưh kơ 'blep thoi 'Bok Kei-Dei wă.

II Kor 11:26

Inh bơngai juăt kơ brŏk năm ataih, hơmơt hli kơ glơ̆k tơ đak krong, hơmơt hli kơ lu bơngai brơ̆t răp tơtông, hli kơ tơduă lu bôl nhôn kơdih bơngai Juđê hil areh, hli kơ lu bơngai nai kư̆m hil areh, hli kơ lu bơngai oei lăm pơlei tih păng hơmơt kơ yak rok trong bri brah, hơmơt kơ glơ̆k tơ đak dơsĭ, hơmơt kơ lu bơngai ưh kơ lui hơlĕnh pơm bơngai lui.

I Tes 2:14

Ơ 'nhŏng oh, đe pơm kơnê̆ kơ iĕm kư̆m thoi đe pơm kơnê̆ kơ lu bơngai lui kơ 'Bok Kei-Dei hăm Kon Sư Yêsu Krist tơ dêh char Juđê sơ̆. Lu bơngai khŭl iĕm pơm kơnê̆ tơduă khŭl iĕm kư̆m thoi lu bơngai Juđê pơm kơnê̆ tơduă khŭl lu sư sơ̆ kơ lu bơngai lui kơ Yêsu mơ̆n.

II Tim 3:11

Ih băt boih dôm tơdrong đe pơm kơnê̆ kơ inh, na inh đei tơdrong gleh dang yơ. Ih kư̆m băt boih dôm tơdrong đe pơm kơnê̆ kơ inh tơ Pơlei Antiôs, Pơlei Ikôni păng Pơlei Litrơ. Đe pơm kơnê̆ kơ inh tơpă mă-lei Kră Yang 'Bok Kei-Dei dŏng inh đơ̆ng dôm tơdrong noh.