Jang 13:49 - Sơ̆p Hlabơar Nơ̆r 'Bok Kei-Dei

⁴⁹ Lu sư bơtho tơdrong Kră Yang jơ̆p kơ tơring Antiôs ei.

Jang 13:49 Iomraidhean Croise

Mathiơ 9:31

Mă-lei bre sư lĕch đơ̆ng noh năm chă roi kơ đe tơdrong Yêsu pơklaih măt bre sư jơ̆p-jang kơ tơring ei.

Jang 12:24

Mă-lei kơplah ei đe bơtho nơ̆r 'Bok Kei-Dei, rai đunh rai jơ̆p păng đei lơ bơngai lui kơ Kră Yang Yêsu.

Jang 13:12

'Bok kuan tih wei dêh char ei, sư 'bôh tơdrong hlĭch thoi noh na sư lui hloi kơ Kră Yang Yêsu. Sư mơ̆ng hlĭch tơpă tơdrong lu bơngai bơtho tơdrong Kră Yang 'Bok Kei-Dei.

Jang 19:10

Kơplah 'bar sơnăm sư bơtho tơ hnam trưng ei, na đĭ-đăng bơngai oei tơ dêh char Asi mă bơngai Juđê mă lu bơngai nai, kư̆m kơtơ̆ng tơdrong Kră Yang Yêsu mơ̆n.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

Jang 6:7

Đe bơtho nơ̆r 'Bok Kei-Dei rai đunh rai jơ̆p. Lu bơngai lui lăm Pơlei Jêrusalem rai lơ tơpă, kư̆m đei bơngai 'bok soi lui kiơ̆ kơ Yêsu lơ mơ̆n.

Jang 9:42

Thoi noh na lu pơlei đe Japa 'bôh tơdrong Pêtrôs pơm hlĭch hlăch tơpă, lu sư wă lui hloi kơ Kră Yang Yêsu.