Jang 13:45 - Sơ̆p Hlabơar Nơ̆r 'Bok Kei-Dei

⁴⁵ Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 13:45 Iomraidhean Croise

Bl 37:11

Lu 'nhŏng sư blĕk kơ sư rai dêh. Gah 'bă sư răp gô lăng tơdrong noh.

Bôk Bơthô 4:4

Inh kư̆m 'bôh đĭ-đăng tơdrong kon bơngai jang gleh hrat, yua tơdrong gơh hơgei, noh jơ̆ yua kơ tơdrong sư 'ngeng areh klai dih băl. Tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Jo 11:29

Môis tơl sư: Ih wă chrih gar kơ inh loh? Ô! Apơi rŏ kơ đĭ-đăng kon pơlei Kră Yang gơh pơma khan lê̆ adrol păng rŏ kơ Kră Yang ăn Yang Bơhngol kơ lu sư.

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Mathiơ 27:18

Pilat băt hơđăl kơ lu 'bok soi tih ơh klai jao wă pơlôch Yêsu noh.

Jang 13:50

Lăm Pơlei Antiôs ei đei lu bơngai drŏ-kăn, sư kư̆m lui kơ 'Bok Kei-Dei, đe ư-ang tơdrong jang sư păng tơdrong sư mơdrŏng. Na lu bơngai Juđê pơhlŭ lu drŏ-kăn ei păng lu kră pơlei sư, yua kơ lu sư areh tơpă kơ bre Pôl păng 'Barna'ba. Na lu sư pơpuh bre sư đơ̆ng tơring ei.

Jang 14:19

Đơ̆ng rŏng kơ noh lu bơngai Juđê đơ̆ng Pơlei Antiôs păng Pơlei Ikôni năm tơ ei păng pơhlŭ lu kon pơlei pơla. Lu sư klơ̆m Pôl păng tơmo. Lu sư ngêh kơ Pôl lôch boih na lu sư dui hor Pôl tơ jih pơlei.

Jang 14:2

Lu bơngai Juđê mơ'nah ưh kơ wă lui kơ Yêsu. Sư pơhlŭ lu bơngai nai mă ưh kơ khŭl sư wă kơ sư areh kơ lu bơngai lui kơ Yêsu.

Jang 14:4

Lăm kon pơlei pơla lu mơ'nah oei kiơ̆ gah đe Juđê, mơ'nah oei kiơ̆ gah jơ̆ng 'bang Yêsu Krist.

Jang 14:5

Na bơngai Juđê păng bơngai nai, lu mơ'nah pôm đon păng lu yŏng sư, lu mơ'nah ưh mơ̆n. Lu bơngai pôm đon păng yŏng sư ei, sư wă klơ̆m bre Pôl păng 'Barna'ba păng tơmo.

Jang 17:5

Lu bơngai Juđê mơ'nah ưh kơ lui, lu sư 'nhĕng bre Pôl păng Silas. Na lu sư năm krao pơhlŭ lu bơngai pơm kơnê̆ kơ đe. Lu bơngai pơm kơnê̆ ei lăm pơlei sư mơ̆n na lu bơngai pơm kơnê̆ kơ đe ei pơtrŭt lu kon pơlei pơla năm bơwang hnam Jason wă chă bre Pôl păng Silas, wă dui anhăk ba tơ'bơ̆p 'bơ̆t anăp kon pơlei pơla.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 19:9

Mă-lei lu mơ'nah ưh kơ chu lui. Na lu sư pơma kơnê̆ gah tơdrong Kră Yang Yêsu 'bơ̆t anăp lu bơngai akŭm. Na Pôl đơ̆ng lu sư năm akŭm tơ nai. Lu bơngai lui kư̆m akŭm kiơ̆ Pôl mơ̆n. Na rim năr sư bơtho păng pơjah tơ hnam trưng Tiranơ.

Jang 5:17

Thoi noh na 'bok soi tơm păng lu bôl sư khŭl đe Sađusê areh klai khŭl bơngai jơ̆ng 'bang Yêsu, tah lu sư tơ hnam phak.

Rom 1:29

Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

I Kor 3:3

yua kơ iĕm oei kiơ̆ kơ sĕch akar thoi bơngai ala teh, iĕm oei tơklai băl, iĕm oei pơjah pơjăng tơhil băl. Iĕm pơm thoi noh dang lĕ oei lei-lăi kơ bơngai kiơ̆ kơ sĕch akar ala teh đĕch.

II Kor 11:26

Inh bơngai juăt kơ brŏk năm ataih, hơmơt hli kơ glơ̆k tơ đak krong, hơmơt hli kơ lu bơngai brơ̆t răp tơtông, hli kơ tơduă lu bôl nhôn kơdih bơngai Juđê hil areh, hli kơ lu bơngai nai kư̆m hil areh, hli kơ lu bơngai oei lăm pơlei tih păng hơmơt kơ yak rok trong bri brah, hơmơt kơ glơ̆k tơ đak dơsĭ, hơmơt kơ lu bơngai ưh kơ lui hơlĕnh pơm bơngai lui.

Galati 5:21

sư 'nhĕng kơ đe, sư suai sik pơm kư̆ kă, sư pơm lơ tơdrong kơnê̆, lơ tơdrong noh nai dơ̆ng. Inh wă pơma dơ̆ng kơ iĕm thoi inh roi boih kơ iĕm sơ̆: Dôm lu bơngai pơm thoi noh ưh kơ gơh oei hơdai tơ dêh char 'Bok Kei-Dei ôh ning-mônh.

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

II Tim 3:11

Ih băt boih dôm tơdrong đe pơm kơnê̆ kơ inh, na inh đei tơdrong gleh dang yơ. Ih kư̆m băt boih dôm tơdrong đe pơm kơnê̆ kơ inh tơ Pơlei Antiôs, Pơlei Ikôni păng Pơlei Litrơ. Đe pơm kơnê̆ kơ inh tơpă mă-lei Kră Yang 'Bok Kei-Dei dŏng inh đơ̆ng dôm tơdrong noh.

Ya 4:5

Na tơdrong noh kư̆m thoi sơ̆p hla bơar 'Bok Kei-Dei khan: “'Bok Kei-Dei ăn Yang Bơhngol 'Lơ̆ng Sư oei lăm bơ̆n wei-lăng bơ̆n tơnăp dêh, wă kơ đe huay kơ tơgar iŏk bơ̆n.”

I Pet 4:4

Lu sư 'bôh iĕm ưh pă kiơ̆ thoi lu sư boih, na lu sư lăng iĕm hlĭch tơpă păng che bơle kơ iĕm.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.