Jang 13:22 - Sơ̆p Hlabơar Nơ̆r 'Bok Kei-Dei

²² Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Jang 13:22 Iomraidhean Croise

II Sam 2:4

Lu bơngai Juđa năm truh tơ Hêbrôn tơ noh na lu sư tuh đak rơmă kơ Đawit pôk sư pơm pơtao bơngai Juđa. Đe năm roi ăn kơ Đawit: “Kon pơlei Jabes Gileat 'bŭ hơmet Sôl.”

II Sam 7:15

Mă-lei tơdrong 'mêm Inh ưh kơ weh đơ̆ng sư thoi Inh weh đơ̆ng Sôl, bơngai mă Inh achăng lê̆ wă pôk hơtŏk ih pơm pơtao.

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

I Ho 2:12

'Bôô pơjing Ôbêt, Ôbêt pơjing Jese.

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Je 33:21

lei na gơh pơrăm nơ̆r pơgơ̆p Inh hăm Đawit, đĭch đam Inh, wă khan sư ưh pă đei kon sâu drŏ-nglo wă pơm pơtao pơgơ̆r dơ̆ng păng pơrăm nơ̆r pơgơ̆p Inh hăm lu 'Bok soi, bơngai Lêwi, lu bơngai jang kơ Inh kư̆m lei-lăi.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Êsêkiên 34:23

Inh gô ăn đei minh 'nu bơngai wei rong lu sư; bơngai wei lu sư noh Đawit, đĭch đam Inh. Sư boih bơngai rong lu sư.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Jang 15:8

'Bok Kei-Dei băt jơhngơ̆m đon kon bơngai na Sư ăn kơ lu bơngai tơmoi ei Yang Bơhngol 'Lơ̆ng kư̆m thoi Sư ăn kơ bơ̆n. Thoi noh 'Bok Kei-Dei ăn kơ bơ̆n băt Sư wă kơ lu bơngai tơmoi ei mơ̆n.

Jang 7:46

'Bok Kei-Dei lăp đon kơ Đawit, na Đawit apinh 'Bok Kei-Dei wă pơm hnam akŭm tih wă kơ 'Bok Kei-Dei oei. 'Bok Kei-Dei boih mă Jakôp lui kơkuh kơ Sư sơ̆.

I Sam 12:25

Mă-lei tơdah lu iĕm hrăn oei pơm kơnê̆ ling-lang, lei lu iĕm păng pơtao lu iĕm tơpă gô hiong răm.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

I Sam 28:16

Samuel tơl: Yua kơ kiơ ih krao inh, yua kơ Kră Yang achăng lê̆ ih boih na jing ayăt kơ ih?

I Sam 31:6

Thoi noh lăm năr noh pêng 'nu kon drŏ-nglo Sôl, bơngai mă chĕp tơmam tơblah Sôl păng đĭ-đăng lu bơngai kiơ̆ sư kư̆m wăng lôch hơdai.