Jang 13:19 - Sơ̆p Hlabơar Nơ̆r 'Bok Kei-Dei

^19-20 Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.

Jang 13:19 Iomraidhean Croise

Bl 12:5

Abram chông ba Sarai, akăn sư, Lot mon sư păng đĭ-đăng lu mŭk tơmam sư đei hơmet ba păng lu đĭch đam sư mă đei đơ̆ng Charan, lĕch đơ̆ng noh, lu sư năm truh tơ dêh Kanaan.

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

I Pot 6:1

Lăm sơnăm puăn-hrĕng tơhngam-jĭt đơ̆ng rŏng kơ lu bơngai Isơrael lĕch đơ̆ng dêh char Êyiptơ; sơnăm mă puăn lăm chăl Sôlômôn pơgơ̆r lu bơngai Isơrael, kơplah khei Siu wă khan khei mă 'bar, sư pơtơm pơdơ̆ng tơiung pơm Hnam akŭm Kră Yang.

Ne 9:24

Thoi noh kon sâu lu sư mơ̆t păng iŏk dêh char, Ih pơlung lu kon pơlei dêh Kanaan, pơjao kon pơlei noh păng lu pơtao dêh noh hăm lu kon pơlei lăm tơpang ti lu sư pơgơ̆r mơ̆ng kơ lu sư wă.

Horiso 135:11

Thoi Sihôn pơtao bơngai Amôrit, Ok, pơtao lu bơngai Basan. Păng đĭ-đăng pơtao dêh char Kanaan

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Êsai 34:17

Kră Yang hlang lăng bơih ăn kơ lu sư, Ti Kră Yang dăng tơlei klah asong ăn teh âu. Lu sư gô oei tơ noh ling-lang păng oei tơ noh đơ̆ng chăl âu truh chăl nai khŏm khŏm.

Jang 7:45

Lu kon sư dơ̆ng, lăp 'bok Jôsuê pơgơ̆r, lu sư tung ba hnam ei tơ dêh Kanaan mă bơ̆n oei dang ei, na 'Bok Kei-Dei pơpuh lê̆ lu bơngai mă oei tơ dêh Kanaan sơ̆ ăn kơ lu 'bok kơdră bơ̆n oei tơ dêh Kanaan. Hnam ei oei truh tơ Đawit pơm pơtao.

Both 7:1

Layơ Kră Yang 'Bok Kei-Dei iĕm chông ba iĕm mơ̆t iŏk dêh mă Sư pơkă păng puh tơweh đĭ lu adrĕch đe 'bơ̆t anăp iĕm, noh lu kon pơlei Hêtit, kon pơlei Girgasit kon pơlei Amôrit, kon pơlei Kanaan, kon pơlei Pêrisit, kon pơlei Hêwit păng kon pơlei Jêbus, wă khan tơpơh adrĕch tih păng pran hloh kơ iĕm.

Jôsuê 14:1

Âu boih teh lê̆ kơ kon pơlei Isơrael jang sa lăm dêh char Kanaan, kiơ̆ thoi 'bok soi Êlêasar, Jôsuê kon drŏ-nglo Nun hăm lu kơdră lu adrĕch kon pơlei Isơrael đei asong kơ lu sư.

Jôsuê 18:10

Jôsuê hlang lăng kơ lu sư tơ pơlei Silô, 'bơ̆t anăp Kră Yang; tơ noh Jôsuê klah asong char ăn kơ kon pơlei Isơrael, kiơ̆ kơ adrĕch adrung lu sư.

Jôsuê 19:51

Noh boih teh char mă 'bok soi Êlêasar, Jôsuê kon drŏ-nglo Nun păng lu kră kơdră kơ adrĕch adrung 'bă lu sư bơngai Isơrael đei klah asong hlang lăng tơ pơlei Silô 'bơ̆t anăp Kră Yang 'bơ̆t 'măng mơ̆t lăm Bơsŭn anih akŭm. Tơdrong lu sư klah asong băl teh char jang sa keh đang thoi noh.

Jôsuê 23:4

Athei 'blŏk bĕ kơ inh đei hlang klah asong ăn kơ lu iĕm teh jang sa mir 'ba kơ rim adrĕch adrung lu iĕm, teh đak mă ưh tam mă đei blah iŏk. Teh đak mă inh đei blah iŏk boih, iŏk đơ̆ng đak Krong Jôrđăn truh tơ đak Dơsĭ Tih, gah măt 'năr mơ̆t.

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Lu 11:26

Lăm pêng-hrĕng sơnăm mă lu bơngai Isơrael blah iŏk oei tơ pơlei Hesbôn păng lăm lu pơlei iĕ pơlei Arôe hăm lu pơlei iĕ sư păng đĭ-đăng pơlei oei tơter đak Krong Arnôn; liơ mă ih ưh kơ blah iŏk teh noh kơplah noh?