Jang 13:17 - Sơ̆p Hlabơar Nơ̆r 'Bok Kei-Dei

¹⁷ Inh roi gah tơdrong lu bơngai Isơrael. Lu bơngai Isơrael kơkuh kơ 'Bok Kei-Dei. 'Bok Kei-Dei rơih lu 'bok kơdră bơ̆n sơ̆. Na hơtai lu sư oei tơ dêh Êyiptơ thoi lĕ kơ tơmoi đĕch, mă-lei 'Bok Kei-Dei ăn kơ lu sư rai đunh rai lơ tơpă. Yua kơ Kră Yang 'Bok Kei-Dei pơm hăm tơdrong mơsêh mơyang Sư kơdih na Sư tơlĕch lu sư đơ̆ng dêh char Êyiptơ.

Jang 13:17 Iomraidhean Croise

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:16

'Noh gô pơm minh tơdrong tơdra tơ ti ih păng chơ̆m tơ klĕng ih, wă tơbăt tơ'blŏk Kră Yang yua ti mơsêh pơklaih lu nhôn lĕch đơ̆ng dêh Êyiptơ.

Le 14:8

Kră Yang pơm kơ Pharaôn pơtao dêh Êyiptơ, arăng kơ̆l, druh kon pơlei Isơrael; mă-lei kon pơlei Isơrael nuih yak năm tơpăt tơ anăp hloi.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Êsai 44:1

“Dang ei mơ̆ng bĕ, ơ Jakôp đam Inh, ơ Isơrael mă Inh rơih iŏk bơih.

Am 2:10

Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Mi 6:4

Inh đei chông anhăk ih lĕch hlôi đơ̆ng teh đak Êyiptơ, huai iŏk ih đơ̆ng pơm đĭch đam păng kư̆m đei wơh Môis Arôn, Miriam yak adrol chông lu iĕm.

Both 10:22

Kơplah 'bok lu iĕm jur tơ dêh Êyiptơ, đei lăp tơpơh-jĭt 'nu đĕch; mă dang ei, Kră Yang 'Bok Kei-Dei ăn kơ iĕm lơ thoi sơnglŏng tơ kơpal plĕnh ti.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 4:37

Yua kơ đơ̆ng Sư 'mêm kơ lu 'bok iĕm, na rơih iŏk adrĕch adrung lu iĕm 'nâu, kơ Sư kơdih păng Sư yua tơdrong mơsêh tih Sư krao tơlĕch boih iĕm đơ̆ng dêh Êyiptơ.

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.

Both 9:5

Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Sam 4:8

Răm boih kơ lu bơ̆n! Bu gô pơklaih bơ̆n đơ̆ng ti lu yang mă mơsêh kơtang dang noh? Noh bơih lu yang mă pơrăm kon pơlei Êyiptơ tơm tơdrong truh tơ lăm char glă.