Jang 13:15 - Sơ̆p Hlabơar Nơ̆r 'Bok Kei-Dei

¹⁵ Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 13:15 Iomraidhean Croise

Markôs 5:22

Tơ ei đei minh 'nu kră wei-lăng hnam akŭm đe Juđê lăm pơlei kiơ̆ ei, sư năm tơ Yêsu. Anăn sư Jairut. Lăp sư truh tơ Yêsu 'bok ei 'nap 'bơ̆t anăp Sư.

Luka 16:16

“'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Jang 1:16

“Ơ lu 'nhŏng oh, Yang Bơhngol 'Lơ̆ng ăn kơ Đawit chih pơkă lê̆ hơdrol roi gah Juđa sơ̆ lăm sơ̆p hla bơar 'Bok Kei-Dei. Yua kơ thoi noh na trŏ dang ei tơpă. Juđa tơ'bôh trong kơ đe năm rôp Yêsu.

Jang 13:27

Lu bơngai Pơlei Jêrusalem păng lu kră pơgơ̆r bơngai Juđê, lu sư ưh kơ kơnăl kơ Yêsu 'Bok Dŏng Pơklaih ôh. Rim năr pơdơh Sa'bat lu sư kơtơ̆ng đe đŏk sơ̆p hla bơar lu bơngai khan lê̆ hơdrol gah Yêsu sơ̆. Mă-lei lu sư ưh kơ hlôh ôh. Lu sư pơma jâu wă pơlôch Yêsu đĕch, na 'blep thoi lu bơngai khan lê̆ hơdrol sơ̆ tơpă.

Jang 15:21

Gah tơdrong juăt Môis pơkă, lu bơngai Juđê bơtho tơdrong noh tơ rim pơlei mă đơ̆ng sơ̆. Lu sư đŏk sơ̆p hla bơar Môis tơ hnam akŭm rim kơ năr pơdơh.”

Jang 15:7

Lu sư pơđâu kư̆m đunh 'biơ̆ mơ̆n. Klaih kơ noh Pêtrôs iung pơma thoi âu: “Ơ lu 'nhŏng oh, iĕm kư̆m băt tơdrong 'Bok Kei-Dei rơih inh đơ̆ng lu iĕm sơ̆, wă kơ inh năm bơtho lu bơngai tơmoi mă ưh kơ khŭl bơ̆n wă kơ sư gơh kơtơ̆ng Tơdrong 'Nao 'Lơ̆ng na lui kơ Kră Yang Yêsu.

Jang 18:17

Lu kon pơlei pơla ưh kơ khŭl Juđê rôp minh 'nu lăm khŭl Juđê ei anăn sư Sôten. Sư kră hnam akŭm bơngai Juđê. Lu sư teh hloi Sôten 'bơ̆t anăp lu kră sek tơlang. Na Galiôn sư ưh kơ tang găn ôh.

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Jang 2:29

Pêtrôs oei pơma: “Ơ 'nhŏng oh, inh wă pơma kơ iĕm mă nhên gah Đawit 'bok kơdră bơ̆n sơ̆. Đawit lôch boih. Klaih kơ noh đe 'bŭ sư. Bơsat sư tơ Pơlei Jêrusalem kư̆m oei khơ̆ dang ei mơ̆n.

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 20:2

Sư năm jơ̆p tơ dêh char Masêđôn ei bơtho tơgŭm tơpă kơ lu bơngai lui wă kơ lu sư lui mă kơjăp. Klaih kơ noh sư năm tơ dêh char Grĕk dơ̆ng.

Jang 22:1

“Ơ lu mih ma 'nhŏng oh, apinh lu iĕm mơ̆ng inh 'biơ̆ bĕ. Inh wă pơma tơdrong đêl iĕm jô̆ kơ inh athei iĕm tŭk lê̆ tơdrong juăt Môis, inh athei iĕm tơpă dah ưh.”

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

Jang 7:2

'Bok Êtien khan thoi âu: “Ơ đe 'nhŏng oh lu 'bok kră pơgơ̆r dêh bơ̆n, apinh iĕm mơ̆ng inh pơma 'biơ̆ bĕ. Tơ'ngla mơsêh mơyang 'Bok Kei-Dei năm tơ Abraham mă 'bok kră bơ̆n sơ̆ lăp Abraham oei tơ dêh Mesôpôtôme, hơdrol kơ sư wă năm oei tơ Pơlei Haran.

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

I Kor 14:3

Mă-lei gah lu bơngai mă pơtruh nơ̆r 'Bok Kei-Dei, sư bơtho tơblơ̆ tơblang kơ kon bơngai bơ̆n wă kơ hlôh na jing lui kơjăp hiôk huay pă ơh sơ'ngon.

II Kor 3:14

Na lu bơngai Isơrael arăng kơ̆l đơ̆ng sơ̆ oei khơ̆ dang ei. Mưh lu sư đŏk lăng hla bơar tơdrong pơgơ̆p so, jơhngơ̆m đon lu sư dang lĕ kơ kơlŭk lum khăn yua kơ lu sư ưh kơ hlôh. Pôm lu bơngai mă gơnang kơ Kră Yang Yêsu đĕch gơh pơih lê̆ khăn noh wă khan lu sư hlôh.

I Tes 2:3

Nhôn bơtho iĕm ưh kơ sĭ bơtho tơdrong mă ưh kơ sĭt ôh. Nhôn bơtho tơdrong sĭt tơpă. Nhôn năm tơ iĕm nhôn ưh kơ pơm kư̆ kă ôh. Nhôn ưh kơ wă chă tơdrong hơlĕnh kơ iĕm ôh.

Hêbrơ 13:22

Ơ 'nhŏng oh, apinh iĕm mơ̆ng 'biơ̆ dôm tơdrong inh chih bơtho iĕm lăm kơthơ âu hŏ, inh chih kư̆m ưh kơ lơ ôh tŏ sĕt đĕch.