Jang 12:7 - Sơ̆p Hlabơar Nơ̆r 'Bok Kei-Dei

⁷ Mă-lei lăm hnam ei đei hloi ŭnh hơdah, linh jang 'lơ̆ng 'Bok Kei-Dei năm wă tơlĕch Pêtrôs. Linh jang 'lơ̆ng 'Bok Kei-Dei pel 'bơ̆t sơngiĕng păng râu Pêtrôs, khan hloi: “Iung mă kuăng wăi.” Na tơlei glang đêl đe chô̆ ti Pêtrôs ei tơyaih hloi.

Jang 12:7 Iomraidhean Croise

II Sam 22:29

Ơ Kră Yang Ih jơ̆ ŭnh kơđeng inh, pơchrang lăm jơhngơ̆m inh puh tơweh lê̆ măng mu tơdrong yoch păng tơdrong lôch.

I Pot 19:5

Na sư 'bĭch 'bơ̆t ala tơm 'long 'noh tep. Blư đei minh 'nu linh jang 'lơ̆ng râu sư, khan: “Iung sa bĕ.”

I Pot 19:7

Linh jang 'lơ̆ng năm tơ sư dơ̆ng wơ̆t mă 'bar râu sư khan: “Iung sa bĕ, yua kơ trong oei ataih dêh.”

Horiso 107:14

Sư dui iŏk lu sư đơ̆ng lăm măng mu păng yơ̆p tơdrong lôch. Kŭm hrĕch lê̆ glang đêl chô̆ lu sư.

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Horiso 146:7

Sek tơlang tơpăt, kơ lu bơngai mă đe pơjăm pơjuă; Păng ăn tơmam sa kơ lu bơngai pơngot. Kră Yang pơklaih rơngei bơngai đe phak;

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 68:6

Kră Yang 'Bok Kei-Dei ăn kơ lu bơngai hơdrô̆ đei hnam dơnŏ. Chông ba lu bơngai bơnă ăn kơ lu sư pŭn hiôk; Lu bơngai pơm kơnê̆ ayăt gô oei tơ teh kro pơdang.

Êsai 37:30

Ơ Hesekia tơdrong âu jơ̆ tơdra wă kơ ih kơnăl: Sơnăm 'nâu ih gô đei sa plei chăt bluh kơdih đơ̆ng lăm mir chŭn, sơnăm đơ̆ng rŏng ih oei sŏng sa phe 'ba chăt kơdih mơ̆n, truh sơnăm mă pêng, ih athei rei păng yuă, ih pơtăm bĕ 'long hơmu păng sa plei sư.

Êsai 60:1

Iung bĕ pơchrang bĕ! Yua kơ tơdrong hơdah ih truh bơih, păng tơdrong ư-ang Kră Yang pơchrang kơpal ih.

Je 40:1

Nơ̆r Kră Yang khan kơ Jêrêmi, đơ̆ng rŏng kơ Nebusaradan yŏng lu linh gak pơtao tơlĕch sư tơ pơlei Rama; kơplah noh, Jêrêmi đe oei chô̆ sư păng glang hơdai hăm lu kon pơlei đơ̆ng Jêrusalem păng char Juđa, rok trong đe chông ba năm tơ char Babilôn.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Habakuk 3:11

Măt 'năr măt khei dơ̆ng kơtă anih lu sư; Yua kơ đei 'bôh lu 'brơ̆m Ih prah păng rang hơdah đơ̆ng lu đao tơju hơlă Ih, chêr char thoi kơmlat.

Habakuk 3:4

Tơdrong rang mơnhal Sư thoi măt 'năr. Dôm lu chră hơdah lĕch đơ̆ng ti 'ma Sư, Tơdrong mơsêh Sư ôn tơ lăm noh.

Mathiơ 2:13

Hlôi đe noh wih boih, Yôsep tep kơmăng apo 'bôh linh jang 'lơ̆ng đơ̆ng 'Bok Kei-Dei khan kơ sư thoi âu: “Jah iung, pŭ nge Yêsu hăm anhăk ba mĕ Sư jăk oei tơ dêh Êyiptơ. Iĕm oei hloi tơ noh tơ̆p inh athei iĕm wih tơ âu na iĕm wih, yua kơ dang ei Hêrôt wă chă nge Yêsu wă pơlôch.”

Luka 2:9

Minh 'nu linh jang 'lơ̆ng Kră Yang năm tơ'bôh kơ lu sư. Tơdrong mơsêh mơyang pơchrang hơdah tăp dăr kơ lu sư. Lu sư hli tơtey.

Luka 24:4

Lu sư 'bôh tơdrong noh na lu sư sơleng kơ đon. Lăp pă 'biơ̆ kơ 'nei 'bôh blư hloi kơ 'bar 'nu linh jang 'lơ̆ng dơ̆ng jê̆ lu sư. Bre sư hrŭk ao kok rang hơdah.

Jang 10:30

Na 'bok Kôrnei khan kơ Pêtrôs: “Puăn năr kơ âu boih, dang jơ âu mơ̆n, pêng jơ kơsơ̆, inh oei lăm hnam inh âu, krao khan kơ Kră Yang 'Bok Kei-Dei. Na inh 'bôh hloi minh 'nu bơngai hrŭk ao kok hơdah, sư dơ̆ng 'bơ̆t anăp inh.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Jang 12:6

Na truh măng ei tơ lăm hnam phak noh đe oei chô̆ Pêtrôs păng tơlei glang mam 'bar dăng. Sư oei tep đei linh gak, minh 'nu gah 'ma minh 'nu gah 'ngiĕo. Tơ 'măng hnam ei kư̆m đei linh gak mơ̆n. Pơtao Hêrôt athei lu linh gô pơgê dơning tơlĕch sư yua kơ 'bok pơtao wă pơlôch sư boih.

Jang 12:8

Đơ̆ng noh na linh jang khan kơ sư: “Hrŭk ao 'bot chơkhŏ ih wăi.” Na Pêtrôs hrŭk ao 'bot chơkhŏ sư hloi. “Păng asu khăn ih kiơ̆ inh.”

Jang 16:26

'Bơ̆t ei teh pơpơ̆ hloi kơkiơ̆ng. Hơyuh teh ei pơpơ̆ truh tơ hnam ei mah kyĭng kiơ̆ng. 'Măng tơpơih đĭ, glang mam tơyaih đĭ đơ̆ng lu bơngai phak lăm ei.

Jang 2:24

Mă-lei 'Bok Kei-Dei kuă ăn Sư lôch răm na pơklaih Sư đơ̆ng tơdrong 'noh, ăn Sư iung arih dơ̆ng, yua kơ Sư ưh kơ đei lôch ling-lang ôh. Đe ưh kơ gơh rôp pơkơ̆ng Sư lăm tơdrong lôch ôh.

Jang 5:19

Mă-lei đei linh jang 'lơ̆ng đơ̆ng Kră Yang 'Bok Kei-Dei năm pơih ăn kơ lu sư 'măng kơmăng tơlĕch lu sư păng khan:

Jang 9:3

Kơplah Sôl oei yak rok trong wă jê̆ truh tơ Pơlei Đamas, sư 'bôh hloi ŭnh đơ̆ng plĕnh pơchrang tăp dăr kơ sư.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Tơdrông Tơ'bôh 18:1

Klaih kơ noh inh 'bôh minh 'nu linh jang nai jur đơ̆ng plĕnh pran kơtang 'lơ̆ng klă klang rang jơ̆p teh.