Jang 12:4 - Sơ̆p Hlabơar Nơ̆r 'Bok Kei-Dei

⁴ Hêrôt tah Pêtrôs lăm hnam phak. Sư ăn kơ mơjĭt-tơdrâu 'nu linh gak Pêtrôs. Đang kơ giĕng boih Hêrôt wă pơlôch Pêtrôs 'bơ̆t anăp đe Juđê ră.

Jang 12:4 Iomraidhean Croise

Esther 3:13

Đe gơih hơtă kơ linh năm ba kơ đĭ-đăng tơring lăm char pơtao Asêrus, wă pơrăm pơlôch đĭ lu adrĕch adrung Juđa mă 'lơ̆p mă 'lŏ mă kră, mă drŏ-kăn, lăm năr mơjĭt-pêng khei mơjĭt-'bar khei Adar păng wă tơgar iŏk mŭk tơmam đơ̆ng lu sư.

Le 12:1

Tơ dêh Êyiptơ, Kră Yang khan kơ Môis păng Arôn:

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Tơdrông Pơđơk 27:1

'Nĕ pơư kơ năr dơning, Yua kơ ih ưh kơ băt năr dơning sư jing liơ.

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Mathiơ 24:9

“Kơplah noh kơnh đe gô rôp iĕm jao kơ đe tôn teh păng pơlôch iĕm. Đĭ-đăng bơngai areh arĕnh kơ iĕm yua kơ iĕm lui kơ Inh.

Mathiơ 26:5

Lu sư khan: “Kơplah năr giĕng âu bơ̆n 'nĕ kơ pơm tơdrong noh, yua kơ năr giĕng âu kon tơring tơrang truh lơ, hli kơ lu sư blah bơ̆n.”

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Luka 22:33

Pêtrôs khan kơ Sư: “Ơ 'Bok, mă đe tah inh lăm hnam phak hơdai păng Ih, dah pơlôch inh hơdai păng Ih, mă-lei inh kư̆m ưh kơ wă sơngah kơ Ih ôh.”

Yo 19:23

Pơ̆ng Yêsu tơ 'long pơglang boih, lu linh iŏk hơbĕn ao Sư păng hek asong băl puăn chăl, minh 'nu iŏk minh chăl. Lu sư kư̆m iŏk ao tai Yêsu mơ̆n, ao 'noh đe tanh pơm hơbĕn ao kơtă, đơ̆ng ako truh tơ jơ̆ng.

Yo 21:18

Inh khan kơ ih tơpă wă kơ ih băt: Hơtai ih oei moh sơ̆ ih gơh hrŭk hơbĕn ao ih năm tơ yơ yơ mơ̆ng kơ ih wă. Mă-lei lăp ih kră ning-mônh ih gô plaih ti ih, na đe nai gô chô̆ ti ih dui ih tơ anih mă ih ưh kơ wă.”

Jang 12:3

Hêrôt 'bôh đe 'bok tih Juđê lăp đon tơpă, na lăp đe Juđê pơm giĕng sa 'Bĕng Mi Ưh Kơ Đei 'Buih Pông, Hêrôt rôp Pêtrôs.

Jang 12:5

Hơtai Pêtrôs oei lăm hnam phak, na lu bơngai lui kơ Yêsu krao khan ling-lang kơ 'Bok Kei-Dei hăm đĭ jơhngơ̆m apinh Sư tơgŭm Pêtrôs wă kơ gơh lĕch.

Jang 4:3

Na lu sư rôp tah bre sư lăm hnam phak yua kơ kơsơ̆ boih, ưh kơ tam sek tơlang.

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.