Jang 12:2 - Sơ̆p Hlabơar Nơ̆r 'Bok Kei-Dei

² Na sư koh pơlôch Yakơ 'nhŏng kơ Yôhan.

Jang 12:2 Iomraidhean Croise

I Pot 19:1

Ahap roi kơ yă Jêsebel dôm tơdrong Êli đei pơm boih păng thoi yơ tơdrong sư yua đao gưm pơlôch lu bơngai khan lê̆ adrol gah Baal hăm.

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

Je 26:23

Lu sư rôp anhăk Uri đơ̆ng Êyiptơ ba tơ pơtao Jêhôiakim. Pơtao pơlôch sư hăm đao gưm klơ̆m lê̆ atâu sư tơ bơsat kon pơlei hmă.

Mathiơ 20:23

Yêsu khan dơ̆ng: “Biĕm gô iŏk tơdrong anat thoi Inh, mă-lei tơdrong pơm tih oei gah 'ma gah 'ngiĕo kơ Inh noh, ưh kơ trŏ kơ Inh ăn ôh, tơdrong noh gô mơ̆ng kơ 'Bă Inh đĕch băt.”

Markôs 10:35

Yakơ păng Yôhan, bre kon Sêbêđê, bre sư năm jê̆ 'bơ̆t Yêsu na khan kơ Sư: “Ơ 'Bok Thây, nhi wă kơ Ih ăn kơ nhi tơdrong nhi apinh.”

Markôs 10:38

Na Yêsu khan kơ bre sư: “Liơ biĕm ưh kơ pơwao tơdrong biĕm apinh noh? Biĕm hăm kĕ iŏk tơdrong anat thoi Inh gô iŏk? Biĕm hăm kĕ chu lôch thoi Inh gô chu?”

Markôs 10:39

Bre sư khan: “Nhi chu kĕ.” Yêsu khan dơ̆ng kơ bre sư: “Biĕm gô iŏk tơdrong anat thoi Inh wă iŏk. Biĕm gô chu lôch thoi Inh gô chu lôch mơ̆n.”

Jang 12:1

Hơtai ei pơtao Hêrôt rôp lu bơngai lui kơ Yêsu mơ'nah wă kơ pơrăm lu sư.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.