Jang 12:17 - Sơ̆p Hlabơar Nơ̆r 'Bok Kei-Dei

¹⁷ Na Pêtrôs yơ̆r ti khă lu sư pơma, na oei thĕng huay pă pơma boih. Na Pêtrôs roi kơ lu bơngai oei lăm hnam ei kơ tơdrong 'Bok Kei-Dei tơlĕch sư. Pêtrôs athei lu bơngai oei lăm hnam ei năm khan kơ 'bok Yakơ păng lu bơngai lui wă roi tơdrong sư lĕch. Đang kơ sư roi tơdrong ei Pêtrôs jăk oei tơ nai dơ̆ng.

Jang 12:17 Iomraidhean Croise

Horiso 146:7

Sek tơlang tơpăt, kơ lu bơngai mă đe pơjăm pơjuă; Păng ăn tơmam sa kơ lu bơngai pơngot. Kră Yang pơklaih rơngei bơngai đe phak;

Horiso 66:16

Ơ lu bơngai mă băt hli yom kơ Kră Yang 'Bok Kei-Dei, mơ̆ng bĕ. Inh gô roi dôm tơdrong mă Kră Yang đei pơm kơ bơhngol inh;

Mathiơ 10:23

Dah đe pơm kơnê̆ kơ iĕm tơ pơlei âu, iĕm kơdâu bơtho pơlei nai dơ̆ng. Inh khan kơ iĕm tơpă, kơplah iĕm oei chă bơtho đe tam mă jơ̆p kơ dêh Isơrael, Inh Kon Bơngai jur boih.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Luka 1:22

Lăp Sachari lĕch sư ưh kơ gơh pơma kơ đe na lu sư băt kơ Sachari 'bôh tơdrong hlĭch lăm noh. Na sư pơma kơmlo ăn kơ đe đĕch.

Yo 10:40

Klaih kơ noh Yêsu tŏk pah to krong Jôrđăn. Sư năm tơ anih Yôhan juăt pơm 'batem kơ đe sơ̆ na Yêsu oei tơ ei.

Yo 11:54

Kơlih kơ thoi noh na Yêsu ưh pă wă năm trong 'ngoaih tơ'bôh akâu Sư tơ lăm dêh Juđê dơ̆ng boih. Sư năm đơ̆ng Pơlei Jêrusalem truh tơ jih glă. Tơ ei Sư oei tơ Pơlei Êpraim hơdai hăm lu bơngai pơhrăm păng Sư.

Yo 13:24

Na Pêtrôs jet bơngai ei khan: “Yêsu khan ei bu wă plơ̆ plĕch kơ Sư?”

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 12:16

Mă-lei Pêtrôs oei dơdŭ 'măng khŏm khŏm, na đe năm pơih 'măng, na 'blep kơ Pêtrôs tơpă. Đĭ-đăng lu sư sơleng kơ đon ưh kơ băt tơchĕng thoi yơ dơ̆ng. Lu sư pơma re đơđơu đơđao.

Jang 12:18

Truh pơgê dơning lu linh hli kơ Pêtrôs lĕch boih. Lu sư krao pơret dih băl wă chă Pêtrôs.

Jang 13:16

Đơ̆ng noh na Pôl iung yơ̆r ti păng khan: “Ơ lu bơngai Isơrael păng lu bơngai tơmoi năm kơkuh kơ 'Bok Kei-Dei, apinh iĕm mơ̆ng inh bĕ.

Jang 15:13

Lăp bre sư pơma đang boih, Yakơ iung pơma thoi âu dơ̆ng: “Ơ lu 'nhŏng oh, apinh iĕm mơ̆ng inh bĕ.

Jang 16:40

Na bre Pôl păng Silas đơ̆ng hnam phak ei năm tơ hnam yă Liđa hơpong kơ lu bơngai lui. Bre sư bơtho khan kơ lu sư wă kơ sư lui mă kơjăp đei jơhngơ̆m chơt hiôk. Đơ̆ng rŏng kơ 'noh bre sư jăk đơ̆ng pơlei ei.

Jang 19:33

Lu bơngai Juđê tơ pơlei ei mơ̆n, sư athei minh 'nu bơngai bôl sư, Aleksandrê, năm dơ̆ng 'bơ̆t anăp kon pơlei pơla wă pơma dŏng lu sư. Na lu bơngai Êphêsô mơ'nah ngêh kơ Aleksandrê boih bơngai đe wă sek tơlang. Na Aleksandrê yơ̆r ti sư wă kơ đe thĕng huay pă pơma. Sư wă pơma dŏng lu bơngai Juđê ră.

Jang 21:18

Na dơning dơ̆ng Pôl năm hơpong tơ Yakơ. Nhôn kư̆m năm kiơ̆ hơdai sư mơ̆n. Lu kră wei-lăng bơngai lui kư̆m hơdai wang năm akŭm tơ ei.

Jang 21:40

'Bok tih linh ăn kơ sư pơma, na Pôl dơ̆ng 'bơ̆t kung yơ̆r ti sư wă kơ lu kon pơlei pơla oei thĕng. Lăp lu sư thĕng ưh pă đei pơma boih, na Pôl pơma kơ lu sư hăm nơ̆r Juđê:

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

I Kor 15:7

Đơ̆ng noh dơ̆ng Sư tơ'bôh kơ Yakơ păng đĭ-đăng bơngai jơ̆ng 'bang Sư.

Galati 1:19

Inh kư̆m tơ'bơ̆p Yakơ oh Yêsu mơ̆n, mă-lei inh ưh kơ đei tơ'bơ̆p jơ̆ng 'bang Yêsu nai ôh kơplah noh.

Galati 2:12

Sơ̆ Pêtrôs năm hơpong tơ pơlei nhôn Antiôs, sư kư̆m sŏng sa hơdai lu bơngai nai mă ưh kơ khŭl sư mơ̆n. Na đei minh năr ei Yakơ wơh buăl sư năm tơ nhôn. Lăp lu nhôn wă sŏng sa, na Pêtrôs ưh kơ pơ̆n sŏng sa hơdai hăm lu bơngai mă ưh kơ khŭl sư, yua kơ sư hli kơ buăl sư mă 'nao truh noh hil kơ sư. Lu bơngai noh athei đĭ-đăng lu bơngai lui kơ Yêsu kăt tơdra akar păng ưh kơ ăn lu bơngai Juđê sŏng sa hơdai lu bơngai mă ưh kơ khŭl sư.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.