Jang 12:11 - Sơ̆p Hlabơar Nơ̆r 'Bok Kei-Dei

¹¹ “Ơ tơpă boih, inh băt kơ 'Bok Kei-Dei wơh linh jang 'lơ̆ng Sư jur tơdŏng inh đơ̆ng 'bok pơtao Hêrôt păng lu bơngai Juđê wă pơlôch inh.”

Jang 12:11 Iomraidhean Croise

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 18:13

Kră Yang pơma jet Abraham thoi âu: “Yua kơ kiơ Sara hiĕk thoi noh khan: ‘Hăm sĭt đei tơpă inh đĭ kră boih lâu khan đei kon?’

Bl 26:9

Na Abimêlek krao Isăk păng khan: “Sĭt tơpă âu akăn ih. Liơ ih khan: ‘Noh oh drŏ-kăn inh?’ ” Isăk tơl: “Yua kơ inh tơchĕng, hli yua kơ đơ̆ng sư na inh gô lôch.”

II Sam 22:1

Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 31:31

Lu bơngai lăm hnam dơnŏ inh ưh kơ đei pơma: “Hăm đei bu mă Jop ưh kơ đei ăn sa 'nhĕm phĭ mah?”

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Horiso 109:31

Yua kơ Sư dơ̆ng gah 'ma kơ lu bơngai dơnuh hin, Wă dŏng pơklaih tơdrong arih lu sư đơ̆ng đe jâu sư.

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 33:19

Wă pơklaih bơhngol lu sư đơ̆ng lôch, Păng bơwei tơdrong arih lu sư lăm năr pơngot rơwĕt.

Horiso 34:22

Kră Yang huai iŏk bơhngol lu đĭch đam sư. Bu mă gơneh gơnơm lăm Sư, huay pă pŭ tơdrong phak boih.

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 41:2

Kră Yang gô wei-lăng păng wei wêr tơdrong arih sư. Sư gô đei pŭn hiôk kơpal teh păng Kră Yang ưh kơ đei lê̆ bơngai noh kiơ̆ thoi lu ayăt kơ sư wă,

Horiso 97:10

Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Da 3:25

Pơtao khan dơ̆ng: 'Nâu inh 'bôh đei puăn 'nu bơngai ưh kơ đei chô̆, yak năm lăm ŭnh, mă-lei ŭnh ưh kơ sa; păng bơngai mă puăn noh hơbŏ thoi minh 'nu kon tơdăm yang.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Luka 15:17

“Thoi noh sư 'blŏk hơdơ̆r, na sư khan: ‘Lu bơngai jang kơ 'bă inh đei sŏng sa phĭ rơkah rơkai, mă-lei inh 'nâu wă lôch ngôi kơ rơwĕt.

Jang 12:7

Mă-lei lăm hnam ei đei hloi ŭnh hơdah, linh jang 'lơ̆ng 'Bok Kei-Dei năm wă tơlĕch Pêtrôs. Linh jang 'lơ̆ng 'Bok Kei-Dei pel 'bơ̆t sơngiĕng păng râu Pêtrôs, khan hloi: “Iung mă kuăng wăi.” Na tơlei glang đêl đe chô̆ ti Pêtrôs ei tơyaih hloi.

Jang 24:27

Đơ̆ng rŏng kơ noh 'bar sơnăm Phêtus tơplih Phêlik pơm kuan tih. Phêlik wă kơ lu bơngai Juđê lăp đon kơ sư, na sư ưh kơ tơlĕch Pôl đơ̆ng hnam phak.

Jang 25:9

Na Phêtus wă kơ lu bơngai Juđê lăp đon kơ sư na sư jet Pôl: “Ih hăm wă năm tơ Pơlei Jêrusalem na inh sek tơlang ih tơ ei gah lu tơdrong sư jâu ih hei?”

Jang 5:19

Mă-lei đei linh jang 'lơ̆ng đơ̆ng Kră Yang 'Bok Kei-Dei năm pơih ăn kơ lu sư 'măng kơmăng tơlĕch lu sư păng khan:

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.