Jang 12:10 - Sơ̆p Hlabơar Nơ̆r 'Bok Kei-Dei

¹⁰ Na bre sư lĕch 'bar tăl dur đei linh gak mă ưh kơ đei 'măng ôh. Truh tơ dur mă pêng đei 'măng săt mam, mă-lei 'măng săt mam ei tơpơih kơdih. Na bre sư lĕch hloi tơ 'ngoaih. Linh jang 'lơ̆ng năm ba sư truh tơ trong tơklah, na bre sư tơklah dih băl.

Jang 12:10 Iomraidhean Croise

Bl 40:3

Na kư̆m wang tah bre sư hơdai lăm hnam phak mă đei tah Jôsep lăm noh.

Bl 42:17

Na, Jôsep athei chĭt lê̆ lu sư hơdai lăm pêng năr.

Êsai 21:8

Bơngai gak ôr re na khan: “Ơ yŏng, inh dơ̆ng lăm hnam gak prăt năr păng dơ̆ng gak tơ anih gak prăt măng.

Jo 15:34

Đe rôp chĭt bơngai noh, yua kơ tơdrong đe pơm kơ sư noh tam mă pơsĭt.

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Jang 12:4

Hêrôt tah Pêtrôs lăm hnam phak. Sư ăn kơ mơjĭt-tơdrâu 'nu linh gak Pêtrôs. Đang kơ giĕng boih Hêrôt wă pơlôch Pêtrôs 'bơ̆t anăp đe Juđê ră.

Jang 16:26

'Bơ̆t ei teh pơpơ̆ hloi kơkiơ̆ng. Hơyuh teh ei pơpơ̆ truh tơ hnam ei mah kyĭng kiơ̆ng. 'Măng tơpơih đĭ, glang mam tơyaih đĭ đơ̆ng lu bơngai phak lăm ei.

Jang 5:19

Mă-lei đei linh jang 'lơ̆ng đơ̆ng Kră Yang 'Bok Kei-Dei năm pơih ăn kơ lu sư 'măng kơmăng tơlĕch lu sư păng khan:

Tơdrông Tơ'bôh 3:7

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Philadêphi thoi âu: “Âu boih 'Bok mă 'lơ̆ng tơpăt, Sư chĕp khuă 'bok pơtao Đawit, Sư gơh pơih 'măng ăn kơ iĕm mơ̆t, ưh kơ đei bu gơh tang chơkăl dơ̆ng, Sư tang 'măng ưh kơ đei bu gơh pơih dơ̆ng, na dang ei Sư wă pơma kơ iĕm thoi âu: