Jang 11:28 - Sơ̆p Hlabơar Nơ̆r 'Bok Kei-Dei

²⁸ Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

Jang 11:28 Iomraidhean Croise

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.

Mathiơ 24:7

Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.

Luka 3:1

'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

Jang 21:10

Nhôn oei tơ hnam Philip 'bar pêng năr boih đei minh 'nu bơngai pơtruh nơ̆r đơ̆ng 'Bok Kei-Dei, sư đơ̆ng dêh char Juđê năm tơ Pơlei Sêsarê. Anăn sư Abus.