Jang 11:23 - Sơ̆p Hlabơar Nơ̆r 'Bok Kei-Dei

²³ Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 11:23 Iomraidhean Croise

II Pot 18:6

Sư oei kơjăp hăm Kră Yang, ưh kơ achăng lê̆ ôh, sư wei răk dôm nơ̆r Kră Yang tơtă ăn kơ Môis.

Horiso 17:3

Kră Yang lăng boih jơhngơ̆m inh, năm lăng inh kiơ̆ kơmăng;a Đei pơlong inh, mă-lei ưh kơ đei 'bôh kiơ; Inh đei pơkă 'bơ̆r inh ưh kơ pơm yoch.b

Tơdrông Pơđơk 23:15

Ơ dăm, dah lăm jơhngơ̆m ih hơgei lei jơhngơ̆m inh kư̆m hiôk chơt.

Tơdrông Pơđơk 23:28

Sư răp chop thoi bơngai tơtông, Chông thim lơ lăm lu kon bơngai pơm kư̆ kă kuă kơ lui,

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Markôs 2:5

Lăp Yêsu 'bôh lu sư đei đon lui thoi noh, na Sư khan kơ bơngai hơwen ei: “Ơ dăm, tơdrong yoch ih Inh pơklaih đĭ boih.”

Yo 15:4

Na iĕm athei oei kơjăp lăm Inh khŏm khŏm, mă Inh kư̆m oei lăm iĕm mơ̆n. Dah iĕm ưh kơ oei lăm Inh, iĕm ưh kơ đei plei ôh, kư̆m thoi lĕ kơ dơng mă ưh kơ đei tơm thoi yơ sư gơh đei plei?

Jang 13:43

Lăp lu kon pơlei pơla brŏk đơ̆ng hnam akŭm tơ hnam sư kơdih kơdih, kư̆m đei lơ bơngai Juđê păng lơ bơngai mă ưh kơ khŭl Juđê kư̆m pơlei noh mơ̆n mă lui kơ 'Bok Kei-Dei ngăl, lu sư yak hơdai bre Pôl păng 'Barna'ba. Na bre sư bơtho rah rok trong. Hơtai sư oei yak hơdai sư bơtho thoi âu: “'Bok Kei-Dei 'mêm mơnat kơ bơ̆n tơpă na bĕ bơ̆n kư̆ lui kơ Kră Yang Yêsu mă kơjăp đĕch.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Jang 14:26

Đơ̆ng Pơlei Atali bre sư tŏk thŏng-nan năm tơ Pơlei Antiôs lăm dêh char Siri. Tơ pơlei ei sơ̆ đe krao khan kơ 'Bok Kei-Dei apinh 'Bok Kei-Dei tơgŭm bre sư năm bơtho tơdrong Sư. Bre sư năm bơtho đang boih na brŏk tơ pơlei ei dơ̆ng mơ̆n.

Jang 15:40

Na Pôl anhăk Silas năm hơdai păng sư. Na lu bơngai lui krao khan apinh Kră Yang 'Bok Kei-Dei wei-lăng bre sư.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

Rom 12:8

Dah Sư ăn kơ bơ̆n hơgei gah tơdrong gơh pơlung đe lui kơjăp, bơ̆n kư̆m adrin gah tơdrong pơlung đe lui kơjăp. Sư wă kơ bơ̆n hơlăng kơ bơngai dơnuh tơmam, bơ̆n kư̆m adrin jang kiơ̆ thoi noh. Dah Sư ăn kơ bơ̆n wei-lăng đe, bơ̆n adrin wei-lăng đe. Dah Sư wă kơ bơ̆n tơgŭm lu bơngai pơmat-tat, bơ̆n athei tơgŭm lu bơngai pơmat-tat noh tơpă păng ăn kơ jơhngơ̆m bơ̆n pơm hiôk kơ lu sư.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

II Kor 1:17

Inh pơkă inh wă thoi noh tơpă, mă iĕm jô̆ kơ inh khan đon ưh kơ tơpăt ôh hă? Păng iĕm mơ̆ng dôm tơdrong inh pơkă thoi bơngai ưh kơ lui, hơ̆r kơ năm, năm. Ưh, ưh; thoi noh hă?

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Both 10:20

Iĕm athei băt hli yom kơ Kră Yang 'Bok Kei-Dei iĕm, bơ̆jang kơ Sư, oei kơjăp lăm Sư păng yua anăn Sư pơkă pơkăm.

Both 30:20

'Mêm kơ Kră Yang 'Bok Kei-Dei, chu kiơ̆ nơ̆r Sư păng kiơ̆ Sư mă tơpă yua kơ lăp Sư đĕch gơh ăn tơdrong arih na Kră Yang gô ăn kơ iĕm gơh arih sot, tơ lăm teh đak mă Kră Yang hlôi pơkă wă ăn kơ lu 'bok iĕm, 'bok Abraham, Isăk păng Jakôp.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

II Tim 3:10

Inh tơchĕng ih kư̆m băt mơ̆n dôm tơdrong inh bơtho ih đơ̆ng sơ̆ khơ̆ dang ei. Păng ih băt boih inh bơngai thoi yơ. Ih băt kơ inh năm jơ̆p-jang kơ teh đak wă bơtho tơdrong 'nao 'lơ̆ng kơ đĭ-đăng bơngai păng ih kư̆m băt inh lui kơ Kră Yang lơliơ. Ih kư̆m băt tơdrong inh pơmat-tat mă-lei inh oei adrin ưh kơ tŭk ôh tơdrong jang inh. Ih kư̆m băt inh 'mêm kơ 'Bok Kei-Dei hăm bôl buăl.

Jôsuê 22:5

Mă-lei athei kơchăng pơm kiơ̆ nơ̆r pơkă păng khôi juăt Môis đĭch đam Kră Yang bơtho pơkă boih kơ lu iĕm 'mêm bĕ kơ Kră Yang 'Bok Kei-Dei lu iĕm păng rok kiơ̆ trong Sư, wei răk nơ̆r Sư tơtă pơgơ̆p hăm Sư păng đĭ jơhngơ̆m đon bơ̆jang kơ Sư.

Jôsuê 23:8

Mă-lei iĕm athei tơ'bưh 'mêm kơ Kră Yang 'Bok Kei-Dei lu iĕm, trŏ thoi lu iĕm đei pơm boih đơ̆ng sơ̆ khơ̆ năr 'nâu.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

I Yo 2:28

Iĕm adrin lui kơ Sư khŏm khŏm hŏ, na Sư jur tơ ala teh âu ning-mônh iĕm huay kơ hli. Năr noh kơnh iĕm ưh kơ kăl kơ jăk ôn akâu iĕm tơ yơ yơ ôh yua kơ iĕm huay kơ mơlâu kơ Sư.

III Yo 1:4

Ưh pă tơdrong kiơ mă hiôk hloh dang tơdrong âu: Inh kơtơ̆ng lu bơngai lui kơ 'Bok Kei-Dei đơ̆ng inh bơtho lu sư oei lui kơjăp khŏm khŏm.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.