Jang 11:19 - Sơ̆p Hlabơar Nơ̆r 'Bok Kei-Dei

¹⁹ Lăp đe pơlôch Êtien đe kư̆m pơm lơ tơdrong kơnê̆ kơ lu bơngai lui mơ̆n. Na lu bơngai lui kư̆m jăk truh tơ dêh Phênisi, dêh Chiprơ păng Pơlei Antiôs mơ̆n păng bơtho Tơdrong 'Nao 'Lơ̆ng kơ bơngai Juđê ngăl.

Jang 11:19 Iomraidhean Croise

Mathiơ 10:6

Iĕm athei năm tơ tơring bơngai Isơrael bơ̆n, yua kơ lu sư dang triu jrok trong.

Yo 7:35

Lu bơngai Juđê pơma dih băl khan: “Bơngai âu Sư wă năm tơ yơ, Sư khan bơ̆n ưh kơ gơh 'bôh Sư dơ̆ng? Rŏ lăng Sư wă năm oei păng lu bơngai Juđê mă oei tơ dêh đe na bơtho lu bơngai dêh đe.

Jang 11:20

Lăm lu bơngai lui ei đei bơngai đơ̆ng dêh Chiprơ păng bơngai Pơlei Siren lu sư khŭl Juđê, mă-lei lu sư năm bơtho tơdrong Kră Yang Yêsu kơ lu kon tơmoi ưh kơ khŭl sư tơ Pơlei Antiôs.

Jang 11:22

Lu 'nhŏng oh bơngai lui tơ Pơlei Jêrusalem kơtơ̆ng ang tơdrong 'noh, na lu sư wơh minh 'nu 'Barna'ba năm tơ Pơlei Antiôs.

Jang 13:1

Lăm lu bơngai lui tơ Pơlei Antiôs đei lu bơngai pơtruh nơ̆r 'Bok Kei-Dei păng lu bơngai bơtho nơ̆r 'Bok Kei-Dei. Anăn lu sư: 'Barna'ba, Simiôn mă đe kư̆m anăn Niger, Lusiu đơ̆ng Pơlei Siren, Sôl păng Manahen. Manahen đe rong sư hơdai 'bok kuan tih Hêrôt hơtai sư oei iĕ sơ̆.

Jang 13:4

Yua kơ Yang Bơhngol 'Lơ̆ng wơh bre sư năm na bre sư năm hloi tơ Pơlei Sêlusi. Đơ̆ng noh na bre sư tŏk thŏng-nan năm tơ bŏl đak đe anăn Chiprơ.

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 14:26

Đơ̆ng Pơlei Atali bre sư tŏk thŏng-nan năm tơ Pơlei Antiôs lăm dêh char Siri. Tơ pơlei ei sơ̆ đe krao khan kơ 'Bok Kei-Dei apinh 'Bok Kei-Dei tơgŭm bre sư năm bơtho tơdrong Sư. Bre sư năm bơtho đang boih na brŏk tơ pơlei ei dơ̆ng mơ̆n.

Jang 15:22

Đơ̆ng noh lu jơ̆ng 'bang Yêsu, lu kră wei-lăng bơngai lui păng đĭ-đăng bơngai lui mơ̆n, lu sư wă rơih lu bơngai năm tơ Pơlei Antiôs hơdai bre Pôl păng 'Barna'ba. Lu sư rơih minh 'nu bơngai đei 'bar anăn, Juđa 'Barsa'ba păng minh 'nu dơ̆ng, Silas. Bre sư ei lu bơngai lui lăp đon 'biơ̆ lăm lu bơngai lui.

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 15:30

Na lu bơngai năm ăn kơthơ ei đơ̆ng Pơlei Jêrusalem truh tơ Pơlei Antiôs. Lăp lu sư truh boih, lu sư krao akŭm đĭ-đăng bơngai lui păng ăn kơ lu sư kơthơ ei hloi.

Jang 15:35

Bre Pôl păng 'Barna'ba oei tơ Pơlei Antiôs kư̆m đunh 'biơ̆ mơ̆n. Bre sư đei lu bơngai nai dơ̆ng hơdai chă bơtho tơdrong Kră Yang 'Bok Kei-Dei tơ ei.

Jang 15:39

Na bre Pôl păng 'Barna'ba pơjah pơjăng tơdrong noh khŏm khŏm na truh tơ bre sư tơklah dih băl. Đơ̆ng noh na 'Barna'ba anhăk Markôs tŏk thŏng-nan năm tơ dêh char Chiprơ.

Jang 21:16

Kư̆m đei lu bơngai lui đơ̆ng Pơlei Sêsarê năm hơdai hăm nhôn mơ̆n. Lu sư wă năm ba nhôn tơ hnam Masôn. Masôn sư bơngai đơ̆ng dêh char Chiprơ, lui kơ Kră Yang Yêsu đơ̆ng hơdrol sơ̆ hloi. Nhôn wă năm oei tơ hnam sư.

Jang 21:2

Tơ ei nhôn chă đei minh pôm thŏng-nan nai dơ̆ng wă năm tơ dêh char Phênisi. Na nhôn tŏk thŏng-nan ei năm hloi. Nhôn wă jê̆ truh bŏl Chiprơ na nhôn tơmang 'bôh bŏl ei, nhôn năm brih gah gơal bŏl ei bŏl Chiprơ. Nhôn năm yoh hloi tơ dêh char Siri. Truh tơ Pơlei Tirơ ei boih lăm dêh char Siri nhôn jur đơ̆ng thŏng-nan, yua kơ đe wă tơjur tơmam đơ̆ng thŏng-nan ei.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

Jang 6:5

Thoi noh na lu đe ei kơtơ̆ng sư pơma thoi noh boih lu sư lăp đon tơpă. Na lu bơngai lui rơih iŏk lu bơngai âu: Êtien, sư bơngai lui kơjăp tơpă păng sư 'bĕnh kơ Yang Bơhngol 'Lơ̆ng; lu bơngai âu dơ̆ng, anăn lu sư Philip, Prôkơrô, Nikanor, Timôn, Parmina, Nikôla. Nikôla âu sư ưh kơ sĭ bơngai Juđê ôh, mă-lei sư kiơ̆ tơdrong juăt đe Juđê đơ̆ng sư lui kơ 'Bok Kei-Dei sơ̆. Sư đơ̆ng Pơlei Antiôs.

Galati 2:11

Sơ̆ Pêtrôs năm tơ Pơlei Antiôs, inh khă sư, yua kơ sư pơm ưh kơ trŏ tơpă. Sư pơm thoi âu: