Jang 11:14 - Sơ̆p Hlabơar Nơ̆r 'Bok Kei-Dei

¹⁴ Sư gô bơtho ih, na 'Bok Kei-Dei gô pơklaih ih păng đĭ-đăng hnam dơnŏ ih.’

Jang 11:14 Iomraidhean Croise

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 112:2

Kon sâu sư gô pran kơtang tơ kơpal teh. Adrĕch adrung bơngai tơpăt gô đei pŭn hiôk.

Tơdrông Pơđơk 20:7

Bơngai tơpăt băt oei arih sa 'lơ̆ng tơpăt, Pŭn hiôk dêh kơ lu kon sâu sư!

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Markôs 16:16

Bơngai bu lui păng iŏk 'batem, bơngai 'noh sư gơh klaih đơ̆ng tơdrong yoch. Bơngai bu ưh kơ chu lui sư gô pŭ tơdrong phak.

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Yo 12:50

Inh băt tơdrong Sư pơkă ăn kơ kon bơngai noh gô ăn kon bơngai arih ling-lang. Dôm tơdrong Inh bơtho đơ̆ng 'Bă Inh ăn kơ Inh ngăl.”

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 4:53

'Bok kuan ei băt hloi kơplah mônh jơ 'năr glơh brei 'blep hloi kơ jơ Yêsu khan kơ sư, khan kon sư huay kơ lôch. Thoi noh na 'bok kuan ei lui hloi kơ Yêsu păng đĭ-đăng hnam dơnŏ sư kư̆m lui mơ̆n.

Yo 6:63

“Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Yo 6:68

Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 10:6

Sư oei păng minh 'nu bơngai jang akar, anăn sư Simôn. Hnam sư jê̆ đak dơsĭ.”

Jang 11:13

Sư roi kơ nhôn tơdrong sư 'bôh linh jang 'lơ̆ng đơ̆ng 'Bok Kei-Dei lăm hnam sư. Linh jang 'lơ̆ng ei khan kơ sư: ‘Ih athei bơngai jang kơ ih năm tơ Pơlei Japa krao minh 'nu bơngai, anăn sư Pêtrôs.

Jang 16:15

Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

I Kor 1:16

Hei inh hiơt roi kơ iĕm, inh kư̆m oei pơm kơ đe 'batem mơ̆n, pơm kơ hnam dơnŏ đe Sêphanna. Đơ̆ng rŏng kơ noh inh ưh pă 'blŏk pơm kơ bu dơ̆ng boih.