Jang 10:47 - Sơ̆p Hlabơar Nơ̆r 'Bok Kei-Dei

⁴⁷ “'Bok Kei-Dei ăn kơ rim 'nu lu bơngai âu Yang Bơhngol 'Lơ̆ng kư̆m lei-lăi thoi Sư ăn kơ bơ̆n Yang Bơhngol 'Lơ̆ng Sư sơ̆. Na dang ei inh jet iĕm hăm đei bu tang găn kuă ăn bơ̆n pơm 'batem kơ lu sư? Ưh kơ đei bu ôh, hăm trŏ?” Na bôl Pêtrôs drơ̆ng: “Trŏ boih, ưh kơ đei bu ôh.”

Jang 10:47 Iomraidhean Croise

Jang 10:44

Kơplah Pêtrôs oei pơma na Yang Bơhngol 'Lơ̆ng jur oei tơ rim 'nu lu bơngai mă mơ̆ng nơ̆r Sư bơtho.

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 8:12

Mă-lei lăp lu sư lui kơ nơ̆r Philip bơtho gah Tơdrong 'Nao 'Lơ̆ng Yêsu Krist păng tơdrong 'Bok Kei-Dei wă pơgơ̆r bơ̆n, na Philip pơm 'batem kơ lu sư bơngai drŏ-nglo, drŏ-kăn hloi.

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.