Jang 10:4 - Sơ̆p Hlabơar Nơ̆r 'Bok Kei-Dei

⁴ Na 'bok Kôrnei lăng sư. Sư hli dêh. Na 'bok Kôrnei khan: “Ơ 'bok, Ih wă kơ kiơ?” Na linh jang 'lơ̆ng ei khan: “'Bok Kei-Dei kơtơ̆ng ih krao khan ling-lang păng 'bôh ih hơlăng kơ đe kon pơlei pơla tơmam, na 'Bok Kei-Dei wă tơgŭm ih.

Jang 10:4 Iomraidhean Croise

II Ho 32:24

Kơplah noh Hesekia đei tơdrong jĭ wă jê̆ lôch; sư krao khan apinh Kră Yang păng Kră Yang ăn kơ sư hlĭch tơpă.

II Ho 6:33

apinh Ih Kră Yang đơ̆ng kơpal plĕnh, anih Ih oei, mơ̆ng bĕ păng pơm ăn bĕ kiơ̆ kơ tơdrong lu Sư hơpơi apinh Ih wă kơ đĭ-đăng kon bơngai oei kơpal teh âu băt ư-ang kơ Ih băt hli yom kơ Ih kư̆m thoi lu bơngai Isơrael Ih păng băt kơ hnam âu mă inh đei pơm krao anăn Ih.

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Horiso 20:3

Apinh Kră Yang 'blŏk kơ dôm tơmam ih soi. Păng iŏk dôm tơmam soi pơyơ̆r. Sêla

Êsai 43:26

Tơ'blŏk dơ̆ng bĕ kơ Inh, bĕ bơ̆n pơma tơgar băl kơ trŏ. Roi pơdah tơdrong trŏ iĕm bĕ, wă tơ'bôh khan lu iĕm trŏ 'lơ̆ng tơpăt.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Da 10:11

Đơ̆ng noh, bơngai noh khan kơ inh thoi âu: Ơ Đaniel, bơngai mă Kră Yang 'Bok Kei-Dei 'mêm kơeng tơpă, ih athei băt hlôh bĕ nơ̆r mă inh đei pơma hăm ih. Kơplah đei bơngai pơma kơ inh nơ̆r ei, inh iung păng hli tơtơ̆.

Lêwi 2:2

Sư gô ba ăn kơ lu 'bok soi kon drŏ-nglo Arôn; lu 'bok soi gô chup iŏk minh kơđôp tơpŭng mă hrâu hăm đak rơmă ôliwơ noh păng hơdai hăm đĭ-đăng tơmam 'bâu phu sư; păng wă soh đĭ tơmam soi noh tơ kơpal chơnang soi, pơm 'blŏk hơdơ̆r minh tơdrong soi pơyơ̆r 'buh soh hăm ŭnh wă kơ 'bâu phu 'lơ̆ng ăn kơ Kră Yang.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Mathiơ 26:13

Inh khan kơ iĕm tơpă, jơ̆p-jang kơ teh đak, lu bơngai bơtho tơdrong 'nao 'lơ̆ng, lu sư gô roi tơdrong duch noh pơm kơ Inh, wă kơ đe ư-ang kơ tơdrong sư pơm.”

Luka 1:29

Mari kơtơ̆ng thoi noh sư mah chrêu kơ đon yua kơ sư ưh kơ băt wă đei tơdrong kiơ, mah kơkuh kơ sư thoi noh.

Luka 24:5

Lu drŏ-kăn ei hli dêh tơpă na lu sư bon tơ teh. Na bre linh jang 'lơ̆ng ei khan kơ lu sư thoi âu: “Yua kơ kiơ iĕm chă bơngai arih tơ anih đe lôch?

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Jang 14:9

Bơngai jo ei mơ̆ng Pôl bơtho Tơdrong 'Nao 'Lơ̆ng, Pôl lăng muh măt sư, băt kơ sư wă lui kơ 'Bok Kei-Dei, na gơh klaih kơ jĭ.

Jang 22:10

Na inh jet Yêsu: ‘Ơ Kră Yang, Ih wă kơ inh pơm kiơ dang ei?’ Kră Yang Yêsu khan kơ inh thoi âu: ‘Ih iung bĕ, năm tơ Pơlei Đamas. Tơ ei đe gô khan kơ ih, Inh wă ăn kơ ih jang tơdrong kiơ kơnh.’

Jang 3:4

Bre Pêtrôs lăng sư pơnhên. Đơ̆ng noh Pêtrôs khan: “Bơngai hơwen hơwo, ih lăng nhi.”

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Hêbrơ 13:16

Iĕm 'nĕ hiơt kơ tơdrong pơm 'lơ̆ng kơ đe, iĕm athei ra tơmam iĕm kơdih wă tơgŭm lu 'nhŏng oh dơnuh. Tơdrong noh kư̆m dang ra tơmam soi mơ̆n, wă pơhiôk kơ 'Bok Kei-Dei.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

Tơdrông Tơ'bôh 8:4

Lăp linh jang ei soh ŭnh nhang ei boih na 'nhui ŭnh nhang noh tŏk 'bâu phu jơ̆p-jang kơ lu bơngai lui oei krao khan, tŏk truh tơ 'Bok Kei-Dei. 'Noh wă pơtih gia kơ tơdrong bơngai lui krao khan kơtơ̆ng truh tơ 'Bok Kei-Dei.

I Sam 3:10

Kră Yang năm tơ noh, Sư krao dơ̆ng thoi adrol ki: Ơ Samuel! Ơ Samuel! Samuel drơ̆ng Apinh Ih bơtho khan bĕ, đĭch đam ih oei mơ̆ng!