Jang 10:32 - Sơ̆p Hlabơar Nơ̆r 'Bok Kei-Dei

³² Na dang ei ih athei bơngai jang kơ ih năm tơ Pơlei Japa krao minh 'nu bơngai anăn sư Pêtrôs. Sư oei păng minh 'nu bơngai jang akar, anăn sư Simôn. Hnam sư jê̆ đak dơsĭ.’

Jang 10:32 Iomraidhean Croise

II Ho 2:16

Na lu nhôn gô năm kăl 'long đơ̆ng char Liban kiơ̆ dôm yơ ih kăl wă, chô̆ pơm hơkĭ pơđông rok đak trong dơsĭ truh tơ Pơlei Jôpa, đơ̆ng noh ih gô iŏk hơtŏk ba tơ Pơlei Jêrusalem.”

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 4:9

Na duch Samari ei khan kơ Sư: “Liơ Ih bơngai Juđê apinh inh drŏ-kăn Samari athei inh asong Ih đak nhă? Sư pơma thoi noh yua kơ lu bơngai Juđê kơ̆m kơ pơma dơnuh hăm bơngai Samari.”

Jang 10:31

Bơngai ei khan kơ inh: ‘Ơ Kôrnei, 'Bok Kei-Dei kơtơ̆ng ih krao khan păng Sư băt kơ ih hơlăng kơ đe tơmam na 'Bok Kei-Dei wă tơgŭm ih.

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 10:5

Na dang ei ih athei bơngai jang kơ ih năm tơ Pơlei Japa krao minh 'nu bơngai anăn sư Pêtrôs.

Jang 11:14

Sư gô bơtho ih, na 'Bok Kei-Dei gô pơklaih ih păng đĭ-đăng hnam dơnŏ ih.’

Jang 11:3

“Lơliơ ih năm hơpong kơ lu bơngai tơmoi mă ưh kơ kăt tơdra akar thoi bơ̆n? Ih kư̆m sŏng sa păng lu sư tăm.”

Jang 15:7

Lu sư pơđâu kư̆m đunh 'biơ̆ mơ̆n. Klaih kơ noh Pêtrôs iung pơma thoi âu: “Ơ lu 'nhŏng oh, iĕm kư̆m băt tơdrong 'Bok Kei-Dei rơih inh đơ̆ng lu iĕm sơ̆, wă kơ inh năm bơtho lu bơngai tơmoi mă ưh kơ khŭl bơ̆n wă kơ sư gơh kơtơ̆ng Tơdrong 'Nao 'Lơ̆ng na lui kơ Kră Yang Yêsu.

Jang 16:9

Truh tơ Pơlei Trôs boih Pôl tep kơmăng sư apo 'bôh minh 'nu bơngai đơ̆ng dêh char Masêđôn pơma kơ sư khan: “Apinh ih năm tơ dêh char Masêđôn tơgŭm lu nhôn 'biơ̆.”

Jang 9:43

Pêtrôs oei tơ Pơlei Japa kư̆m đunh 'biơ̆ mơ̆n. Sư oei păng bơngai jang akar, anăn sư Simôn.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”