Jang 10:14 - Sơ̆p Hlabơar Nơ̆r 'Bok Kei-Dei

¹⁴ Mă-lei Pêtrôs khan: “Ơ Kră Yang, inh ưh kơ gơh sa ôh, yua kơ inh ưh kơ lah sa lu tơmam âu, kơlih kơ tơdrong juăt nhôn giĕng ưh kơ gơh sa.”

Jang 10:14 Iomraidhean Croise

Bl 19:18

Lot khan: “Ơ kơdră ưh kơ gơh!

Le 10:11

Ưh kơ gơh ôh, dôm lu iĕm drŏ-nglo đĕch năm kơkuh kơ Kră Yang, kiơ̆ kơ lu iĕm apinh. Đơ̆ng noh lu sư puh hloi Môis păng Arôn lĕch đơ̆ng Pharaôn.

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Êsêkiên 44:31

Lu 'bok soi ưh kơ gơh sa sem dơrong sem bri sem păr ayơ lôch kơmăp, dah mă đơ̆ng lu tơduă châu hek

Da 1:8

'Nâu, Đaniel pơkă lăm jơhngơ̆m sư khan, ưh kơ wă sŏng sa tơmam 'lơ̆ng păng tơdrô pơtao soi kơ yang jing pơm kơ inh kơnê̆, na apinh bơngai wei-lăng 'nĕ pơgŏ sư pơm yoch kơnê̆ noh.

Lêwi 20:25

Thoi noh lu iĕm athei jô̆ klah phara lu kon sem brem rơgoh păng kon sem brem ưh kơ rơgoh, lu sem păr rơgoh păng sem păr ưh kơ rơgoh, 'nĕ kơ pơm kơ iĕm kơdih jing kơnê̆ na Inh hil areh, yua kơ kon sem brem, sem păr, 'bih kơep lep-ler, tơmam mă Inh đei jô̆ phara lu sư jing kơnê̆.

Mathiơ 15:11

Dôm lu tơmam sa kon bơngai sa ưh kơ đei pơm kơ kon bơngai jing yoch ôh, tơdrong pơm yoch noh lĕch đơ̆ng 'bơ̆r kon bơngai na kon bơngai jing yoch.”

Mathiơ 16:22

Na Pêtrôs krao Yêsu weh ataih 'biơ̆, sư wă khă Yêsu yua kơ Yêsu pơma thoi noh hei. Pêtrôs khan: “Ơ 'Bok, apinh 'Bok Kei-Dei 'nĕ ăn truh kơ Ih tơdrong 'noh.”

Mathiơ 25:9

Na lu bôl sư mă kơchăng ei khan: ‘Ưh ôh, dah nhôn asong iĕm, hli kơ nhôn ưh kơ mah păng iĕm kư̆m ưh kơ mah mơ̆n. Iĕm athei năm răt kơdih tơ anih đe mơdro.’

Mathiơ 8:2

Kơplah noh đei minh 'nu bơngai jĭ chin năm jê̆ Sư sơtơ̆p kŭl-tăng păng khan: “Ơ 'Bok, dah Ih wă, Ih gơh pơklaih inh.”

Markôs 7:2

Lăp lu sư akŭm, na lu sư 'bôh 'bar pêng 'nu bơngai pơhrăm păng Yêsu sŏng sa ti ưh kơ rơgoh yua kơ lu sư ưh kơ ôp ti kiơ̆ thoi tơdrong juăt lu bơngai Pharisi pơkă.

Luka 1:60

Mă-lei mĕ sư khan: “Ưh ôh, bơ̆n anăn sư Yôhan đĕch.”

Yo 4:11

Duch ei khan kơ Sư: “Ơ 'Bok, Ih ưh kơ đei gơhnŏk wă sŏ đak, na thoi yơ Ih gơh sŏ yua kơ sơlŭng đak âu jrŭ? Na Ih khan wă sŏ đak ăn kơ inh arih, Ih wă sŏ đơ̆ng yơ?

Jang 10:13

Klaih kơ noh sư kơtơ̆ng nơ̆r pơma đơ̆ng plĕnh thoi âu: “Ơ Pêtrôs, iung bĕ pơlôch 'buh sa lu kon sem âu.”

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Jang 22:8

Inh khan kơ Sư: ‘Ơ 'Bok, anăn Ih bu?’ Sư khan: ‘Inh Yêsu đơ̆ng Pơlei Nasaret mă ih areh kơ Inh.’

Jang 9:5

Sôl khan: “Ơ 'Bok, anăn Ih bu?” Kră Yang Yêsu khan: “Inh Yêsu mă ih areh kơ Inh.