Jang 1:15 - Sơ̆p Hlabơar Nơ̆r 'Bok Kei-Dei

¹⁵ Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 1:15 Iomraidhean Croise

Mathiơ 13:31

Yêsu pơma pơtih gia dơ̆ng kơ lu bơngai tơpôl noh thoi âu: “Lu bơngai 'Bok Kei-Dei pơgơ̆r, lu sư thoi lĕ kơ găr sơ'bei, găr noh iĕ hloh kơ đĭ-đăng găr nai.

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Yo 21:23

Yêsu pơma thoi noh ră, na lu 'nhŏng oh bơngai lui đei nơ̆r kơtơ̆ng ang khan: Minh 'nu bơngai pơhrăm păng Yêsu ei ưh kơ layơ lôch. Mă-lei Yêsu ưh kơ đei pơma khan sư ưh kơ đei lôch ôh. Sư khan: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet?” Sư pơma thoi noh đĕch.

Jang 10:23

Na Pêtrôs athei sư mơ̆t tơ hnam sư păng athei sư 'bĭch minh măng tơ hnam sư ei. Pơgê dơning dơ̆ng lu sư iung năm hơdai. Kư̆m đei bơngai lui đơ̆ng Pơlei Japa ei năm hơdai păng sư mơ̆n.

Jang 11:1

Lu jơ̆ng 'bang Yêsu păng lu bơngai lui tơ dêh Juđê kơtơ̆ng ang kon tơmoi mă ưh kơ khŭl sư lui kơ tơdrong 'Bok Kei-Dei boih.

Jang 11:12

Yang Bơhngol 'Lơ̆ng athei inh năm hơdai păng lu sư păng khan kơ inh thoi âu: ‘Ih 'nĕ pă tơchĕng giĕng tơdrong mơ̆t lăm hnam tơmoi ưh kơ khŭl Juđê.’ Bôl inh âu tơdrâu 'nu kư̆m năm hơdai hăm inh mơ̆n. Na nhôn mơ̆t tơ hnam Kôrnei.

Jang 11:26

Lăp sư chă 'bôh boih, sư anhăk ba Sôl tơ Pơlei Antiôs. Kơplah minh sơnăm bre sư bơtho lu bơngai lui tơ Pơlei Antiôs. Bre sư bơtho tơdrong 'Bok Kei-Dei na lơ bơngai năm mơ̆ng. Tơ ei đe anăn lu bơngai lui, bơngai Krist. Đơ̆ng sơ̆ đe ưh kơ anăn thoi noh ôh.

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Jang 12:17

Na Pêtrôs yơ̆r ti khă lu sư pơma, na oei thĕng huay pă pơma boih. Na Pêtrôs roi kơ lu bơngai oei lăm hnam ei kơ tơdrong 'Bok Kei-Dei tơlĕch sư. Pêtrôs athei lu bơngai oei lăm hnam ei năm khan kơ 'bok Yakơ păng lu bơngai lui wă roi tơdrong sư lĕch. Đang kơ sư roi tơdrong ei Pêtrôs jăk oei tơ nai dơ̆ng.

Jang 14:2

Lu bơngai Juđê mơ'nah ưh kơ wă lui kơ Yêsu. Sư pơhlŭ lu bơngai nai mă ưh kơ khŭl sư wă kơ sư areh kơ lu bơngai lui kơ Yêsu.

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 16:2

Lu bơngai lui tơ Pơlei Litrơ păng Pơlei Ikôni jô̆ Timôthê bơngai 'lơ̆ng.

Jang 16:40

Na bre Pôl păng Silas đơ̆ng hnam phak ei năm tơ hnam yă Liđa hơpong kơ lu bơngai lui. Bre sư bơtho khan kơ lu sư wă kơ sư lui mă kơjăp đei jơhngơ̆m chơt hiôk. Đơ̆ng rŏng kơ 'noh bre sư jăk đơ̆ng pơlei ei.

Jang 17:10

Truh 'năr mơ̆t boih, lu bơngai lui athei bre Pôl păng Silas năm tơ Pơlei Bêrê. Lăp truh tơ pơlei ei na bre sư năm akŭm tơ hnam akŭm bơngai Juđê.

Jang 17:14

Na lu bơngai lui athei hloi Pôl năm tơ jih đak dơsĭ. Na bre Silas păng Timôthê oei kơtă 'bơ̆t Pơlei Bêrê ei, ưh kơ năm ôh.

Jang 17:6

Mă-lei lu sư chă bre Pôl păng Silas ưh kơ 'bôh. Thoi noh na sư rôp anhăk Jason păng lu bơngai lui nai mơ̆n, anhăk lu sư tơ kră pơlei. Sư pơma pơret khan kơ lu đe Jason ei khan: “Lu khŭl bơngai âu pơm kơnê̆ jơ̆p kơ teh đak. Dang ei lu sư năm tơ pơlei bơ̆n âu boih păng Jason âu ăn kơ lu sư oei tơ hnam sư. Đĭ-đăng lu sư ưh kơ kiơ̆ tơdrong juăt pơtao bơ̆n ôh. Lu sư khan sư đei minh 'nu pơtao nai, anăn Sư Yêsu.”

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Jang 18:27

Apôlê kư̆m wă năm tơ dêh char Grĕk mơ̆n. Na lu bơngai lui tơ Pơlei Êphêsô tơgŭm sư chih kơ sư kơthơ wă chĕp ba ăn kơ lu buăl lui tơ dêh char Grĕk, apinh lu bơngai lui ei sơng iŏk sư. Lăp Apôlê truh tơ char Grĕk boih, Apôlê bơtho tơgŭm tơpă kơ lu bơngai 'Bok Kei-Dei mơnat ăn lui kơ Yêsu boih.

Jang 21:17

Lăp nhôn truh tơ Pơlei Jêrusalem boih, lu 'nhŏng oh bơngai lui sơng iŏk lu nhôn, jơhngơ̆m lu sư hiôk chơt tơpă.

Jang 21:20

Hlôi sư pơma đang boih na lu sư khan bơnê kơ Kră Yang 'Bok Kei-Dei. Klaih kơ noh lu sư khan kơ Pôl: “Ơ oh, ih băt boih đei dôm rơbâu 'nu bơngai Juđê lui kơ Kră Yang Yêsu boih. Đĭ-đăng lu sư adrin kiơ̆ tơdrong juăt Môis ngăl.

Jang 21:7

Na nhôn năm đơ̆ng Pơlei Tirơ ei truh tơ Pơlei Pôtôlêmơs. Truh tơ ei boih nhôn jur đơ̆ng thŏng-nan năm hơpong tơ lu 'nhŏng oh bơngai lui tơ ei. Nhôn oei hăm sư minh năr.

Jang 22:5

'Bok soi tơm hăm lu bơngai kră sek tơlang, lu kră pơgơ̆r bơngai Juđê băt kơ inh pơm thoi noh tơpă sơ̆. Lu sư boih chih ăn kơ inh kơthơ wă pơtruh kơ lu 'nhŏng oh bơngai Juđê tơ Pơlei Đamas. Na inh năm tơ Pơlei Đamas wă rôp lu bơngai lui kơ Yêsu, chô̆ lu sư chông ba năm tơ Pơlei Jêrusalem wă phak lu sư.

Jang 28:14

Na nhôn tơ'bơ̆p bơngai lui kơ Yêsu tơ ei păng lu sư pơtơm nhôn oei păng lu sư minh 'măng giĕng. Đơ̆ng noh nhôn năm jơ̆ng hoh wă năm tơ Pơlei Rôm.

I Kor 15:6

Đơ̆ng noh lăm minh 'măng Sư tơ'bôh kơ loi pơđăm-hrĕng 'nu bơngai lui kơ Sư. Mă lu bơngai 'noh dang ei kư̆m oei arih, kư̆m đei mơ'nah lôch mơ̆n.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 3:4

Lăm pơlei iĕm kư̆m oei đei mơ̆n bơngai lui kơjăp mă ưh kơ lơ. Ao lu sư ưh kơ mơgrĭ thoi ao lu bơngai nai ôh. Ning-mônh lu sư gô hrŭk ao kok nơnăm hơdai păng Inh, yua kơ lu sư lui kơjăp.