I Yo 3:3 - Sơ̆p Hlabơar Nơ̆r 'Bok Kei-Dei

³ Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.

I Yo 3:3 Iomraidhean Croise

II Sam 22:27

Kră Yang pơm 'lơ̆ng tơpăt hăm lu bơngai 'lơ̆ng tơpăt. Mă-lei Kră Yang wă phak lu bơngai hơlĕnh pơdăr kiơ̆ kơ tơdrong jang lu sư pơm.

Mathiơ 5:48

Thoi noh na iĕm athei 'mêm kơ đĭ-đăng bơngai kư̆m thoi 'Bă bơ̆n tơ plĕnh ti 'mêm kơ đĭ-đăng bơngai thoi noh mơ̆n.

Luka 6:36

Iĕm athei 'mêm mơnat kơ đe kư̆m thoi lĕ 'Bă bơ̆n 'Bok Kei-Dei 'mêm mơnat kơ đe mơ̆n.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Rom 15:12

Êsai sơ̆ sư kư̆m khan thoi âu: “Đơ̆ng adrĕch adrung Jesê gô đei minh 'nu bơngai iung pơgơ̆r tôm kơ khŭl kon bơngai jơ̆p kơ teh đak. Đĭ-đăng kon bơngai gô gơnang kơ 'Bok ei.”

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

Tit 3:7

'Bok Kei-Dei 'mêm mơnat kơ bơ̆n tơpă na Sư pơklaih bơ̆n đơ̆ng tơdrong yoch păng Sư jô̆ bơ̆n bơngai 'lơ̆ng păng Sư boih. Sư ăn kơ bơ̆n jing kon Sư, na bơ̆n arih ling-lang păng Sư ning-mônh.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

I Pet 1:15

Sư krao iĕm wă kơ iĕm jing kon Sư, na iĕm athei pơm 'lơ̆ng tơpăt tôm tơdrong thoi Sư,

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

I Yo 4:17

'Bok Kei-Dei wă kơ bơ̆n 'mêm kơ Sư tơpă wă kơ bơ̆n huay kơ hli kơplah năr Sư wă sek tơlang ning-mônh. Bơ̆n ưh kơ hli kơlih kơ bơ̆n oei arih tơ ala teh âu dang ei kư̆m lei-lăi thoi Yêsu arih mơ̆n.