I Tim 6:2 - Sơ̆p Hlabơar Nơ̆r 'Bok Kei-Dei

² Đei bơngai đĭch păng yŏng, bre sư jing 'nhŏng oh yua kơ bre sư lui kơ Kră Yang boih, na bơngai đĭch ei athei lui yom kơ yŏng sư, sư jang kơ yŏng sư 'lơ̆ng hloh kơ sư tam mă lui sơ̆. 'Noh yua kơ sư đei đon 'mêm tơpă kơ yŏng sư, yua kơ yŏng sư bôl bơngai lui. Ih athei bơtho kơ đe dôm tơdrong inh ată wă kơ đe pơm kiơ̆.

I Tim 6:2 Iomraidhean Croise

Jôel 2:28

Năr ei kơnh Inh gô tuh ăn Yang Bơhngol 'Lơ̆ng Inh kơ đĭ-đăng kon bơngai. Lu kon drŏ-nglo kon drŏ-kăn gô pơma khan lê̆ adrol; dôm lu kră iĕm gô hơpo 'bôh, păng dôm lu kon hơ'lơ̆p iĕm gô 'bôh tơdrong tơ'bôh đơ̆ng Kră Yang.

Jo 16:3

na khan: Lê̆ pă yua kơ đĭ-đăng khŭl kon pơlei 'lơ̆ng rơgoh ngăl păng Kră Yang oei lăm lu sư. Yua kơ kiơ lu iĕm oei wă pơang kơdih tơ kơpal lu bơngai Kră Yang đei akŭm?

Mathiơ 23:8

“Gah lu iĕm, iĕm 'nĕ ăn đe krao lu iĕm 'bok thây hŏ, yua kơ iĕm đei minh 'nu 'Bok Thây boih, đĭ-đăng kơ iĕm jing 'nhŏng oh ngăl đĕch.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Êphêsô 1:15

Thoi noh boih na inh ling-lang krao khan bơnê kơ 'Bok Kei-Dei, yua kơ inh kơtơ̆ng đe khan iĕm oei lui kơ Kră Yang Yêsu kơjăp, hăm iĕm băt 'mêm mơnat kơ tơduă bôl buăl kon 'Bok Kei-Dei.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Kôlôsê 1:2

chih hơpong kơ iĕm lu kon 'Bok Kei-Dei tơ Pơlei Kôlôssê, lu iĕm bơngai lui kơjăp minh jơhngơ̆m minh đon hăm Yêsu Krist. Inh krao khan apinh 'Bă tơm bơ̆n 'Bok Kei-Dei wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Kôlôsê 1:4

yua kơ nhôn kơtơ̆ng tơdrong iĕm lui kơ Yêsu Krist kơjăp, hăm băt 'mêm mơnat kơ đĭ-đăng lu kon 'Bok Kei-Dei.

Kôlôsê 4:1

Ơ lu yŏng tơ'ngla lu bơngai đĭch, iĕm athei pơm mă 'lơ̆ng kơ lu đĭch iĕm, yua kơ iĕm kư̆m đei minh 'nu Yŏng tih hloh kơ iĕm, Sư oei tơ plĕnh ti.

II Tes 1:3

Ơ 'nhŏng oh, nhôn bơnê kơ 'Bok Kei-Dei ling-lang yua kơ iĕm rai đunh rai lui rai pran kơjăp hăm rim năr iĕm rai gơh 'mêm mơnat dih băl lăm tơduă lu iĕm. Kơlih kơ thoi noh na 'Bok Kei-Dei wă kơ nhôn krao khan bơnê kơ Sư.

I Tim 4:11

Lu tơdrong mă inh bơtho ih âu mă hei, ih athei bơtho păng ată kơ lu bôl lui dơ̆ng hŏ.

I Tim 5:1

Ih khă lu bơngai kră mă 'lơ̆ng, ih athei pơma lung sư yua kơ sư kră hloh kơ ih; păng ih lăng sư thoi lĕ kơ 'bă ih. Ih lăng lu bơngai drŏ-nglo 'lơ̆p kơ ih kư̆m thoi oh ih mơ̆n.

Tit 2:1

Mă-lei gah ih, athei bơtho tơdrong 'Bok Kei-Dei mă trŏ hŏ.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Tit 3:8

Dôm tơdrong inh bơtho âu trŏ tơpă. Păng dôm tơdrong inh bơtho ih lăm kơthơ âu ih bơtho khŏm khŏm kơ lu bơngai lui wă kơ sư pơm 'lơ̆ng păng đe ling-lang; kơlih kơ dôm tơdrong inh bơtho âu 'lơ̆ng ngăl păng yua kơ bơ̆n.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

II Pet 2:10

Mă loi lu bơngai mă hưch hanh kơ pơm tơdrong kơnê̆ kư̆ kă, lu sư ưh kơ băt chu yom kơ yŏng tơ'ngla kơdih, lu bơngai noh Sư hil dêh. Lu 'bok bơtho mơ'nah lu sư juăt kơ pơm thoi noh. Lu sư pơma kư̆ kă ưh kơ băt hli kơ đe păng ưh kơ băt mơlâu kơ đe. Lu sư kư̆m ưh kơ hli kơ pơma kơnê̆ kơ lu linh jang mơ̆n.

Ju 1:8

Na lu bơngai mă pơhlŭ iĕm noh, lu sư khan lu sư apo 'bôh tơdrong sĭt tơdrong trŏ khan pơm kư̆ kă kư̆m bưh, ưh kơ chu yom kơ yŏng bơ̆n kư̆m bưh, pơma kơnê̆ kơ lu linh jang kư̆m bưh.