I Tim 6:17 - Sơ̆p Hlabơar Nơ̆r 'Bok Kei-Dei

¹⁷ Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

I Tim 6:17 Iomraidhean Croise

Bl 13:2

Abram mơdrŏng dêh, đei lơ sem dơrong, đei hu, maih.

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

Horiso 104:28

Layơ Ih ăn kơ lu sư, lu sư sơng iŏk, Ih bơlang tơpang ti, lu sư sa phĭ mah tơmam sa 'lơ̆ng.

Horiso 52:7

“To, bơngai mă ưh kơ gơnang kơ Kră Yang 'Bok Kei-Dei wei sư pran kơjăp. Mă-lei gơnang kơ tơdrong sư mơdrŏng.c Wă pơm kơ sư kơjăp lăm tơdrong sư pơm kơnê̆!”

Horiso 62:10

'Nĕ gơnang kơ kĕ pơjuă đe. 'Nĕ gơnang hơmĕng kơ tơtông klĕ, Mă đei mŭk tơmam lơ, 'nĕ kơ hơđơ̆ng kơ noh.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Tơdrông Pơđơk 11:28

Bơngai bu gơnang kơ mŭk tơmam mơdrŏng gô huŏng răm; Mă-lei đei bu tơpăt băt rai 'lơ̆ng thoi tơmơ̆ng hla hơdrih.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Tơdrông Pơđơk 27:24

Tơdrong mơdrŏng ưh kơ đei oei ling-lang ôh, Mă jing pơtao kư̆m ưh kơ ling-lang mơ̆n.

Tơdrông Pơđơk 30:9

Hli kơ inh tôm mah kơnh sơngah kơ Ih, Păng khan: “Kră Yang Sư bu?” Păng hli kơ inh dơnuh hnang kơnh chă tơtông. Păng kơnh pơm kơnê̆ pơjăm anăn Kră Yang 'Bok Kei-Dei inh.

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 49:4

Ơ kon pơlei ưh kơ tơpăt, liơ lu iĕm pơư kơdih anih thŭng, khan teh mơ̆r 'lơ̆ng? Gơnang kơ mŭk tơmam kơdih păng khan: ‘Bu pơ̆n pơm kơ inh?’ ”

Êsêkiên 16:56

'Bơ̆r ih ưh pă pơma 'bơm boih gah mŏ oh ih Sôđôm kơplah ih oei đei tơdrong pơang,

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Hôsia 13:6

Lăp lu sư sŏng sa phĭ boih, jơhngơ̆m lu sư jing pơang; yua kơ đơ̆ng noh na lu sư hiơt boih kơ inh.

Mathiơ 12:32

Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih boih bơngai noh, mă đơ̆ng dang ei truh tơ ning-mônh.

Mathiơ 19:23

Na Yêsu khan kơ lu bơngai pơhrăm păng Sư: “Inh khan kơ iĕm tơpă, lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.

Mathiơ 25:16

Bơngai mă iŏk pơđăm hlak jên maih yŏng sư noh, hơloh năm chă mơdro sa hloi, đei lơi kơ sư pơđăm hlak jên maih dơ̆ng.

Mathiơ 27:57

Đei minh 'nu bơngai mơdrŏng đơ̆ng Pơlei Armơthê, anăn sư Yôsep, sư kư̆m lui kơ Yêsu mơ̆n.

Mathiơ 6:32

Lu bơngai nai mă ưh kơ lui, lu sư tơchĕng kơ tơdrong noh ling-lang. Mă-lei 'Bă bơ̆n tơ plĕnh ti kư̆m băt boih dôm tơdrong lu iĕm kăl yua, Sư gô tơgŭm iĕm tơpă.

Markôs 10:24

Lu bơngai pơhrăm păng Sư sơleng kơ đon ưh kơ hlôh tơdrong Sư pơma âu. Mă-lei Yêsu khan dơ̆ng kơ lu sư: “Ơ lu kon Inh, anat dêh mơ̆t tơ dêh char 'Bok Kei-Dei.

Luka 19:2

Tơ pơlei ei đei minh 'nu bơngai pơgơ̆r gah tơdrong iŏk jên thuê̆, măt sư Sachê. Sư mơdrŏng tih tơpă.

Luka 3:11

Na Yôhan khan dơ̆ng: “Dah bơngai bu đei 'bar blah ao lei sư athei asong minh blah ao sư kơ lu bơngai mă hoh kơ đei. Dah bơngai bu đei tơmam sa rơkah, lei sư athei chă asong kơ đe lei-lăi mơ̆n.”

Jang 14:17

Mă-lei 'Bok Kei-Dei ăn kơ iĕm dôm tơdrong Sư mơnat wă kơ iĕm băt kơ Sư oei arih. Sư ăn kơ iĕm đak 'mi đơ̆ng plĕnh, trŏ kơ bơyan đei 'ba lơ, đei tơmam sŏng sa mah rơkah rơkai. Păng Sư ăn kơ iĕm đei jơhngơ̆m chơt hiôk.”

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Jang 17:25

Kră Yang 'Bok Kei-Dei ưh kơ kăl kơ bơ̆n tơgŭm Sư ôh yua kơ Sư boih ăn kơ bơ̆n arih păng ăn kơ bơ̆n đĭ-đăng tơmam bơ̆n kăl yua.

Rom 11:20

Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Both 33:15

Lu tơmam 'lơ̆ng hloh đơ̆ng kơpal kông so sơ̆, Lu tơmam gĭt đơ̆ng teh kông groi oei ling-lang.

Both 8:17

Kơchăng bĕ, 'nĕ chă pơma lăm jơhngơ̆m khan: Noh yua kơ đơ̆ng tơdrong hơgei păng pran kơtang tơpang ti inh na mă gơh đei dôm mŭk tơmam mơdrŏng 'nâu.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

I Tes 1:9

Đe kơtơ̆ng thoi noh, đe kư̆m roi kơ nhôn mơ̆n tơdrong iĕm sơng iŏk nhôn păng tơdrong iĕm ưh pă wă kơkuh kơ lu rup yang dơ̆ng, na iĕm lui hloi kơ Kră Yang 'Bok Kei-Dei. 'Bok Kei-Dei Sư Yang tơpă, Sư arih ling-lang.

I Tim 1:3

Inh wă kơ ih kư̆ oei tơ Pơlei Êphêsô, kư̆m thoi inh athei ih ki lăp inh wă năm đơ̆ng Pơlei Êphêsô tơ dêh char Masêđôn. Na inh athei ih oei tơ pơlei âu khŏm khŏm yua kơ đei lu bơngai tơ noh bơtho tơdrong ưh kơ trŏ tơdrong 'Bok Kei-Dei tơpă. Na ih athei khă lu sư 'nĕ pă bơtho thoi noh dơ̆ng.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

Tit 2:12

Thoi noh na 'Bok Kei-Dei athei bơ̆n hŭt đĭ dôm tơdrong kơnê̆, 'nĕ pă kiơ̆ đon lu bơngai ưh kơ lui. Đon lu bơngai ưh kơ lui sư 'maih pơm lơ tơdrong kư̆ kă đĕch. 'Bok Kei-Dei athei bơ̆n pơm jơhngơ̆m đon dim 'lơ̆ng tơpăt kơ Sư hăm bôl buăl ala teh âu mơ̆n,

Tit 3:6

'Bok Kei-Dei ăn kơ bơ̆n Yang Bơhngol 'Lơ̆ng Sư wă kơ dŏng bơ̆n lăm tôm tơdrong tơpă. Sư ăn Yang Bơhngol 'Lơ̆ng kơlih kơ bơ̆n lui kơ Yêsu Krist mă 'Bok Dŏng Pơklaih bơ̆n.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.