I Tim 6:11 - Sơ̆p Hlabơar Nơ̆r 'Bok Kei-Dei

¹¹ Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

I Tim 6:11 Iomraidhean Croise

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 13:26

Lăp bơngai khan lê̆ adrol kră bơngai mă chông ba sư brŏk kơtơ̆ng thoi noh, na khan: Sư 'noh bơngai Kră Yang 'Bok Kei-Dei, ưh kơ chu nơ̆r Kră Yang. Thoi noh na Kră Yang ăn dăm-brang châu pơlôch sư, kiơ̆ thoi Kră Yang đei khan boih kơ sư.

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 17:24

Yă adro noh khan kơ Êli: “Dang ei inh băt kơ ih 'nâu minh 'nu bơngai đơ̆ng Kră Yang 'Bok Kei-Dei yua, dôm nơ̆r Kră Yang pơm lăm 'bơ̆r ih sĭt tơpă.”

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

II Pot 1:13

Pơtao Ahasia wơh dơ̆ng minh 'nu yŏng linh mă pêng năm hăm pơđăm-jĭt 'nu linh mă sư wei yŏng linh 'nâu tŏk truh tơ Êli tơ kơpal kông, sư sơtơ̆p kŭl-tăng 'bơ̆t anăp Êli, apinh thoi âu: “Nhôn đĭch đam ih ơ bơngai mă Kră Yang 'Bok Kei-Dei yua, apinh ih lăng tơdrong arih inh păng tơdrong arih đĭ-đăng pơđăm-jĭt 'nu bơngai 'nâu gĭt găl.

II Pot 1:9

Pơtao wơh hloi minh 'nu yŏng linh chông pơđăm-jĭt 'nu linh sư năm tơ Êli, kơplah noh Êli oei ngôi kơpal wĕch kông. Yŏng linh ei khan kơ sư: “Ơ bơngai mă Kră Yang 'Bok Kei-Dei yua, pơtao wă kơ ih jur.”

II Pot 23:17

Đơ̆ng noh pơtao jet. “Bơsat to noh bơsat bu kih?” Lu bơngai lăm pơlei noh tơl: “'Noh bơsat bơngai 'Bok Kei-Dei yua, sư đơ̆ng char Juđa năm roi tơbăt lê̆ adrol gah tơdrong mă ih hlôi pơm 'nâu, wă blah chơnang soi tơ Bethel.”

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

I Ho 23:14

Lu drŏ-nglo Môis, bơngai Kră Yang 'Bok Kei-Dei, chih tơmơ̆t jô̆ lăm adrĕch adrung Lêwi.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

Ne 12:24

Lu kră kơdră lăm bơngai Lêwi: Đei Hasabia, Serêbia păng Jêsua kon drŏ-nglo Katmiel, hơdai hăm 'nhŏng oh lu sư dơ̆ng tơklă băl pơrĕng kiơ̆ khŭl, wă kơkuh bơnê pơm kiơ̆ thoi nơ̆r Đawit bơngai Kră Yang 'Bok Kei-Dei.

Ne 12:36

hăm 'nhŏng oh sư, Sêmaia, Asarel, Milalai, Gilalai, Mai, Nêthanêl, Juđa păng Hanani, chĕp reh brŏ hơri Đawit, bơngai Kră Yang 'Bok Kei-Dei păng Esơra, bơngai chih hla bơar, nơnăm adrol kơ lu sư.

Horiso 34:14

Weh kơ tơdrong kơnê̆ păng pơm bĕ tơdrong 'lơ̆ng. Chơchă bĕ tơdrong hiôk-hian păng druh kiơ̆ tơdrong ei.

Horiso 38:20

Lu bơngai 'mong tơdrong kơnê̆, đêl inh pơm 'lơ̆ng. Noh kư̆m jâu inh, yua kơ inh kiơ̆ trong 'lơ̆ng.

Tơdrông Pơđơk 15:9

Kră Yang areh dêh trong lu bơngai kơnê̆; Mă-lei sư 'mêm mơnat kơ bơngai bu kiơ̆ trong tơpăt.

Êsai 51:1

Ơ lu bơngai kiơ̆ tơdrong 'lơ̆ng tơpăt, lu bơngai chă Kră Yang, mơ̆ng Inh bĕ! Lăng bĕ kơ tơmo mă đơ̆ng blah iŏk lu iĕm bơih păng sơlŭng tơmo mă đơ̆ng sir hơtŏk lu iĕm!

Je 35:4

Inh chông ba lu sư năm tơ hnam Kră Yang mơ̆t lăm anih lu kon drŏ-nglo Hanan kon drŏ-nglo Idalia, bơngai Kră Yang 'Bok Kei-Dei. Anih noh jê̆ anih lu yŏng păng anih kơpal kơ Maaseia kon drŏ-nglo Salum, bơngai gak 'măng.

Rom 14:19

Yua kơ thoi noh na bơ̆n athei adrin 'biơ̆ tơdrong pơm hiôk kơ bôl buăl hăm 'nhŏng oh bơ̆n kơdih, rai băt tơgŭm băl lui kơjăp.

I Kor 10:14

Yua kơ thoi noh na ơ lu 'nhŏng oh mă inh 'mêm kơeng, iĕm athei tŭk lê̆ đĭ dôm tơdrong yang kơnê̆ hŏ, 'nĕ pă kiơ̆ sư.

I Kor 14:1

Na bơ̆n ling-lang athei băt 'mêm kơ 'Bok Kei-Dei hăm bôl buăl bơ̆n păng bơ̆n athei apinh Yang Bơhngol 'Lơ̆ng asong kơ bơ̆n tơdrong hơgei Sư, mă loi gơh pơtruh nơ̆r 'Bok Kei-Dei.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

Both 16:20

Lu iĕm athei pơm mă hơnơ̆ng băl păng mă tơpăt, wă kơ lu iĕm gơh arih păng gơh iŏk oei lăm dêh mă Kră Yang 'Bok Kei-Dei ăn.

Both 33:1

'Nâu nơ̆r Môis, bơngai Kră Yang 'Bok Kei-Dei, sơkat ăn pŭn hiôk kơ kon pơlei Isơrael adrol kơ sư wă lôch.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

I Tim 4:12

Ih 'nĕ ăn kơ đe pơjăm ih khan ih oei moh đĕch ưh kơ gơh bơtho đe. Lăm ih wă pơma dah ih wă jang ih athei pơm 'lơ̆ng tơpăt wă kơ lu bôl buăl bơngai lui 'bôh ih na lu sư pơm kiơ̆ thoi ih. Ih athei 'mêm kơ 'Bok Kei-Dei păng 'mêm kơ bôl buăl. Ih athei lui mă kơjăp păng pơm jơhngơ̆m mă 'lơ̆ng tơpăt, wă kơ lu bơngai lui gơh lui kiơ̆ thoi ih mơ̆n.

I Tim 6:20

Ơ Timôthê, ih athei wei dôm lu nơ̆r inh pơkă kơ ih âu hŏ păng ih 'nĕ ăn kơ đe tơplih nơ̆r pơma âu. Păng ih 'nĕ kơ năm mơ̆ng lu bơngai năm bơtho tơdrong 'Bok Kei-Dei mơ̆n mă ưh kơ trŏ yua kơ sư bơtho ưh kơ trŏ thoi bơ̆n ôh. Lu sư bơtho ưh kơ lei-lăi, sư bơtho kư̆ kă đĕch, mă-lei sư khan sư bơtho trŏ tơpă.

II Tim 2:21

Bơngai bu hŭt lê̆ dôm tơdrong kơnê̆ sư, bơngai 'noh sư kư̆m thoi lĕ pơnhan chhĕr yua 'bơ̆t sŏng sa tih mơ̆n. Yŏng sư 'Bok Kei-Dei gơh yua sư dang ei hloi jang dôm tơdrong Sư, yua kơ sư đei đon 'lơ̆ng tơpăt.

II Tim 2:22

Pơtih gia bơngai tơdăm sư ling-lang nŏng tơchĕng gah tơdrong akâu sư kơdih, ưh kơ wă tơchĕng tơdrong Kră Yang. Mă ih 'nĕ kơ tơchĕng thoi bơngai 'noh hŏ. Ih athei adrin pơm tơdrong 'lơ̆ng tơpăt, lui mă kơjăp, băt 'mêm mơnat kơ đe păng oei hiôk hơiă hơdai lu bơngai mă đei đon 'lơ̆ng tơpăt, wă khan lu bơngai mă krao khan kơ 'Bok Kei-Dei kơjăp.

II Tim 3:10

Inh tơchĕng ih kư̆m băt mơ̆n dôm tơdrong inh bơtho ih đơ̆ng sơ̆ khơ̆ dang ei. Păng ih băt boih inh bơngai thoi yơ. Ih băt kơ inh năm jơ̆p-jang kơ teh đak wă bơtho tơdrong 'nao 'lơ̆ng kơ đĭ-đăng bơngai păng ih kư̆m băt inh lui kơ Kră Yang lơliơ. Ih kư̆m băt tơdrong inh pơmat-tat mă-lei inh oei adrin ưh kơ tŭk ôh tơdrong jang inh. Ih kư̆m băt inh 'mêm kơ 'Bok Kei-Dei hăm bôl buăl.

II Tim 3:17

Thoi noh lu bơngai jang tơdrong 'Bok Kei-Dei, sơ̆p hla bơar 'Bok Kei-Dei tơgŭm sư lăm tôm tơdrong, lu sư ưh kơ đei kơ'bah.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

I Pet 3:11

'nĕ pă pơm dôm tơdrong kơnê̆, athei pơm tơdrong 'lơ̆ng ling-lang đĕch, adrin pơhiôk dih băl mă hơiă.

I Sam 2:27

Đei minh 'nu bơngai đơ̆ng Kră Yang 'Bok Kei-Dei năm tơ Hêli păng khan kơ sư, Kră Yang khan boih thoi âu, hăm trŏ kơ Inh đei tơ'bôh bơih Inh kơdih kơ hnam 'bok ih kơplah lu sư oei lăm char Êyiptơ pơm đĭch Pharaôn?

I Sam 9:6

Bơngai đam ei drơ̆ng Sôl: Mơ̆ng bĕ, lăm pơlei âu đei minh 'nu bơngai Kră Yang 'Bok Kei-Dei yua, bơngai mă đe pơyom; dôm nơ̆r sư pơma adrol trŏ ngăl ưh kơ layơ glăi. Thoi noh, bĕ ba năm tơ ei, rŏ lăng sư gô tơ'bôh kơ ba trong chă aseh jrok noh tơ yơ.