I Tim 5:4 - Sơ̆p Hlabơar Nơ̆r 'Bok Kei-Dei

⁴ Mă-lei lu bơngai drŏ-kăn adro đei kon dah sâu sư, noh lê̆ lu kon sâu lu sư 'noh 'me sa sư. 'Bok Kei-Dei wă kơ bơ̆n wei-lăng 'me sa mĕ 'bă, yă 'bok bơ̆n kơdih. Bơ̆n athei 'me plơ̆ sư dơ̆ng.

I Tim 5:4 Iomraidhean Croise

Bl 47:12

Jôsep asong kiơ̆ kơ kơ̆l bơngai, asong tơmam sa kơ 'bă sư, lu 'nhŏng oh sư păng đĭ-đăng hnam dơnŏ 'bă sư.

Bl 47:28

Jakôp oei lăm dêh char Êyiptơ đei mơjĭt-tơpơh sơnăm, sư arih đei minh-hrĕng puăn-jĭt tơpơh sơnăm.

Jop 18:19

Sư ưh pă đei kon sâu tơ lăm pơlei pơla sư, kư̆m ưh pă đei bu oei arih lăm anih sư oei.

Tơdrông Pơđơk 31:28

Lu kon hơ'lơ̆p sơkat pŭn hiôk pôk pơư kơ sư. Klo sư kư̆m iung pơma ha 'bơ̆r khan bơnê kơ sư.

Êsai 14:22

Kră Yang Tih Hloh khan: “Inh gô iung pơm tơwih kơ lu sư, Inh gô pơrăm sŭt lê̆ anăn pơlei Babilôn păng lu kon pơlei oei oei đei lăm noh, hăm đĭ lu kon sâu lu sư dơ̆ng mơ̆n.” Kră Yang khan thoi noh.

Luka 2:51

Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

I Tim 2:3

Bơ̆n krao khan thoi noh 'lơ̆ng tơpă păng Kră Yang 'Bok Kei-Dei lăp đon tơpă. Sư pơklaih bơ̆n đơ̆ng tơdrong yoch.

I Tim 5:16

Bơngai lui bơ̆n mă drŏ-nglo, mă drŏ-kăn, bu mă đei bơngai adro lăm kơtum sư, sư athei 'me kơdih ưh kơ gơh ăn kơ bơngai lui 'me ôh. Bơngai lui 'me pôm lu bơngai adro mă ưh kơ đei bơngai tơgŭm 'me sư 'noh đĕch. Thoi noh na jên iĕm mah 'biơ̆.

Tit 1:11

Ih athei khă lu sư 'nĕ pă pơm thoi noh dơ̆ng. Đei hnam dơnŏ mơ'nah mơ̆ng sư bơtho na đĭ kơ hnam dơnŏ sư jing hơwơ̆l kơ tơdrong 'Bok Kei-Dei na achăng lê̆ tơdrong lui sư. Lu đe ei sư bơtho tơdrong ưh kơ trŏ kơ tơdrong bơtho. Lu sư bơtho thoi noh, lu sư wă kơ gơh iŏk jên đe đĕch.

Lu 12:14

Sư đei puăn-jĭt 'nu kon drŏ-nglo păng pêng-jĭt 'nu sâu drŏ-nglo mơ̆n; lu sư hao tơpơh-jĭt tŏ aseh iĕ. Sư pơm 'bok sek tơlang lăm Isơrael tơhngam sơnăm.

Ru 2:18

Sư pŭ brŏk tơ pơlei. Sư tơ'bôh ăn kơ tơnei sư 'ba mă đơ̆ng sư chă mok, klaih kơ noh Rut iŏk ăn kơ tơnei sư 'ba mă đơ̆ng sư chă mok, klaih kơ noh Rut iŏk ăn kơ tơnei sư por đêl sư sŏng rơkah.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.