I Tim 5:21 - Sơ̆p Hlabơar Nơ̆r 'Bok Kei-Dei

²¹ Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

I Tim 5:21 Iomraidhean Croise

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Horiso 119:34

Apinh Ih ăn kơ inh gơh hơgei, Na inh gô wei răk tơdrong juăt Ih. Păng chu yom hăm đĭ jơhngơ̆m.

Tơdrông Pơđơk 18:5

Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

Lêwi 14:42

Đơ̆ng noh iŏk tơmo plơ̆ng, tah pơklep đêl tơmo noh păng lŭk chuơh na man bah tơnăr hnam noh.

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Malachi 2:9

“Yua kơ thoi noh na Inh kư̆m đei pơm ăn kơ lu iĕm rai iĕ jing pă rơ-a 'bơ̆t anăp đĭ kon pơlei pơla, yua kơ lu iĕm ưh kơ kiơ̆ trong Inh pơdah kơ đe khan lu iĕm oei lăm khôi juăt.”

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Luka 20:21

Lu bơngai noh khan kơ Yêsu: “Ơ 'Bok Thây, nhôn băt kơ Ih bơtho tơpăt tơpă. Ih ưh kơ hli kơ bu ôh. Ih lăng lu bơngai pơm tih hăm bơngai iĕ kư̆m lei-lăi ngăl păng Ih ling-lang bơtho tơpăt gah tơdrong 'Bok Kei-Dei.

Luka 9:26

Ning-mônh Inh Kon Bơngai gô jur tơ ala teh âu dơ̆ng, hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu khan sư kiơ̆ Inh boih, mă-lei sư kơdơ̆ mơlâu kơ đe na kuă kơ bơtho kơ đe tơdrong Inh, năr 'noh kơnh Inh kư̆m kuă kơ sư mơ̆n.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Both 1:7

Năm bĕ yak dăr dơ̆ng năm tơklă tơ kông groi kon pơlei Amôrit kư̆m năm truh tơ lu tơring jê̆ lu sư lăm thŭng glă Araba păng tơ kông groi bơmơ̆t teh dơnă tơ tơring gah gơal rok cheng đak dơsĭ, mơ̆t tơ dêh kon pơlei Kanaan păng char Liban, truh tơ đak krong tih noh krong Ơphrat.

Both 33:9

Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.

I Tes 5:27

Păng inh athei iĕm đŏk kơthơ âu kơ đĭ-đăng 'nhŏng oh bơngai lui hŏ. Iĕm athei đŏk ăn tơpă. Mă iĕm ưh kơ đŏk ăn mă iĕm khan đŏk ăn boih, kư̆m ưh kơ hlơp kơ Kră Yang ning-mônh.

I Tim 6:13

Đĭ-đăng khŭl arih tơ ala teh đơ̆ng 'Bok Kei-Dei ăn arih ngăl. Yêsu Krist pơma 'lơ̆ng tơpăt 'bơ̆t anăp 'bok pơtao Pilat. Na ih oei 'bơ̆t anăp 'Bok Kei-Dei păng Yŏng bơ̆n Yêsu Krist, ih athei kơchăng pơm kiơ̆ dôm tơdrong Sư pơkă kơ bơ̆n. 'Nĕ ăn đe tơplih tơdrong Sư pơkă kơ bơ̆n 'noh. Ih athei wei ling-lang tơ̆p truh năr Yŏng bơ̆n Yêsu Krist jur ning-mônh.

II Tim 2:14

Dôm tơdrong inh bơtho âu ih athei bơtho ăn kơ lu bơngai lui dơ̆ng hŏ păng khan kơ lu sư thoi âu: “'Bok Kei-Dei Sư 'bôh bơ̆n na bơ̆n athei kơchăng hŏ. Bơ̆n 'nĕ pơjah pơjăng kư̆ kă. Bơ̆n pơjah pơjăng thoi noh ưh kơ đei yua kiơ ôh, pơrăm đe đĕch dah bơ̆n pơjah thoi noh.”

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.