I Tim 5:2 - Sơ̆p Hlabơar Nơ̆r 'Bok Kei-Dei

² Ih lăng lu yă kră thoi mĕ ih păng ih lăng lu drŏ-kăn 'lơ̆p kơ ih kư̆m thoi oh ih mơ̆n, ih athei pơma dơnuh păng sư mă 'lơ̆ng đĕch.

I Tim 5:2 Iomraidhean Croise

Mathiơ 12:50

Bu pơm kiơ̆ kơ 'Bă Inh mă oei tơ plĕnh ti, bơngai 'noh dang 'nhŏng oh Inh păng mĕ Inh.”

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Tes 5:22

Dah tơdrong glăi iĕm săi tŭk.

I Tim 4:12

Ih 'nĕ ăn kơ đe pơjăm ih khan ih oei moh đĕch ưh kơ gơh bơtho đe. Lăm ih wă pơma dah ih wă jang ih athei pơm 'lơ̆ng tơpăt wă kơ lu bôl buăl bơngai lui 'bôh ih na lu sư pơm kiơ̆ thoi ih. Ih athei 'mêm kơ 'Bok Kei-Dei păng 'mêm kơ bôl buăl. Ih athei lui mă kơjăp păng pơm jơhngơ̆m mă 'lơ̆ng tơpăt, wă kơ lu bơngai lui gơh lui kiơ̆ thoi ih mơ̆n.

I Tim 5:1

Ih khă lu bơngai kră mă 'lơ̆ng, ih athei pơma lung sư yua kơ sư kră hloh kơ ih; păng ih lăng sư thoi lĕ kơ 'bă ih. Ih lăng lu bơngai drŏ-nglo 'lơ̆p kơ ih kư̆m thoi oh ih mơ̆n.

I Tim 5:3

Păng ih athei tơgŭm lu drŏ-kăn adro mă ưh kơ đei bu 'me sa sư.

II Tim 2:22

Pơtih gia bơngai tơdăm sư ling-lang nŏng tơchĕng gah tơdrong akâu sư kơdih, ưh kơ wă tơchĕng tơdrong Kră Yang. Mă ih 'nĕ kơ tơchĕng thoi bơngai 'noh hŏ. Ih athei adrin pơm tơdrong 'lơ̆ng tơpăt, lui mă kơjăp, băt 'mêm mơnat kơ đe păng oei hiôk hơiă hơdai lu bơngai mă đei đon 'lơ̆ng tơpăt, wă khan lu bơngai mă krao khan kơ 'Bok Kei-Dei kơjăp.